Буџетот за 2020 година превидува зголемување на пензиите како резултат на зголемување на минималната и просечната плата.
„Пензионерите ќе добијат покачување од 850 – 900 денари. За жал минималната пензија е 8940 денари, а просечната пензија 14.000 денари“, рече премиерот Зоран Заев на денешната презентација на предлог – буџетот за 2020 година.
Деталите за покачувањето на пензиите премиерот рече дека на посебна прес- конференција ќе ги соопшти министерката за труд и социјала Мила Царовска.
Премиерот Заев најави зголемување на платите на медицинскиот персонал, а од први јануари и на просветните работници.