Заев и Битиќи на средба со оштетените штедачи од „Еуростандард банка“: Ќе ги поддржиме сите законски механизми за ефикасни решенија за обесштетување

Од:

Премиерот Зоран Заев, придружуван од  вицепремиерот Фатмир Битиќи, се сретна со претставниците на Здружението на оштетени граѓани од „Еуростандард банка“.

На средбата претставниците на оштетените штедачи ги предочија проблемите со коишто се соочуваат физичките и правните лица, по пропаѓањето на „Еуростандард банка“ и понудија предлози за можни решенија.

Премиерот Заев ги сослуша нивните барања и истакна дека Владата има силна волја да им излезе во пресрет на оштетените граѓани и дека тоа ќе се направи согласно постоечката законска рамка. Тој предочи дека Народната банка на Република Северна Македонија навремено реагирала и презела сѐ што е во нејзина надлежност во однос на нерегуларностите во работењето на „Еуростандард банка“.

„За нас како Влада првенствен е вашиот интерес како оштетени граѓани, во смисла да обезбедиме соодветни услови за ваше обесштетување. Тоа што е во наша моќ, ние ќе го направиме, но мораме да ја почитуваме законската рамка. Законската рамка и правила се јасни и тие не предвидуваат државата директно да се инволвира преку исплаќања од буџетот. Тоа не смееме да си го дозволиме затоа што тоа е спротивно на законите“, истакна премиерот Заев на средбата.

Тој додаде дека се покренати кривични пријави и други мерки што се во надлежност на јавното обвинителство и ги увери претставниците на оштетените граѓани дека нивните предлозите и сугестии ќе бидат следени од страна на институциите и дека ќе бидат преземени сите потребни мерки за нивно обесштетување согласно законот и стечајната постапка.

Би можело да ве интересира

Заев: Не можеме цела Бугарија да ја квалификуваме како фашистичка

Искра Манојлоска

(ВИДЕО) Заев на Македонскиот енергетски форум: Вложуваме во енергетска независност и во еколошки извори на енергија

Жарко Настоски

Заев се сретна со американската амбасадорка: Наша заедничка цел и натаму е земјава да ги почне преговорите со ЕУ до крајот на годинава

Жарко Настоски

Заев е против лидерска средба поради реториката на ВМРО-ДПМНЕ

Жарко Настоски

Заев пред претставниците на Светска банка: Владините мерки ги ублажија последиците од кризата

Жарко Настоски

Заев во посета на Германија, ќе му биде врачена наградата за човекови права за 2020 година

Жарко Настоски