Заев: „Цветот на Сребреница“ на Пчиња кај Долно Коњаре е најдолгиот мост во земјата што поврзува два регионални патни правци

Од:

Претседателот на Владата на Република Северна Македонија Зоран Заев денеска беше на увид во завршната фаза на изградбата на мостот на Пчиња кај Долно Коњаре.

Придружуван од пратеникот во Собранието Зеќир Рамчиловиќ, премиерот Заев истакна дека увидот во последната фаза од изградбата на мостот на реката Пчиња којашто ги поврзува Долно и Средно Коњаре се совпаѓа со Меѓународниот ден на Бошњаците, кој припадниците на оваа заедница во нашата земја го прославуваат на 28 септември.

„На иницијатива на пратеникот Зеќир Рамчиловиќ, Владата донесе одлука со која мостот се именува „Цветот на Сребреница”, и врз основа на таа одлука се поставени и табли со називот на мостот со што испраќаме порака на сеќавање и за осуда на секој геноцид за да не се заборави и да не се повтори“, истакна премиерот Заев.

Претседателот на Владата Зоран Заев го честиташе Меѓународниот ден на Бошњаците на сите припадници на оваа заедница во нашата земја.

„Бошњаците се составен и нераскинлив дел од богатството во нашата мултиетничка, мултикултурна и мултиконфесионална држава и нивниот придонес во изградбата и негувањето на нашето „Eдно општество за сите” е исклучително значаен“, нагласи во својата изјава премиерот Заев.

Новиот мост во Долно Коњаре е изграден целосно со средства на Јавното претпријатие за државни патишта. Инвестицијата е вредна нешто повеќе од 60 милиони денари и со неговата должина од 133 метри е најдолгиот мост што поврзува регионални патишта во нашата земја.

Со широчина од 7,96 метри, со две коловозни ленти и со два тротоари, мостот ги исполнува сите стандарди за одвивање на сообраќајот и за движење на пешаците.

Во последната завршна фаза поставена е „еластична ограда”, банкина, по должината на мостот, а поставени се и светлечки сигнални обележувачи на оградата на мостот кое ќе биде довршено со канделабри со што целосно ќе биде завршен овој значаен инфраструктурен објект.

Би можело да ве интересира

Подготвен предлог закон за формирање агенција за безбедност на патиштата

Ана Ололовска

Набавени 15 опремени камиони и три машини за одржување на магистралните и регионални патишта

Ана Ололовска

Бочварски: Во буџетот се предвидени пари за Брзиот автобуски превоз во Скопје, Арсовска да ја преиспита одлуката за откажување на проектот

Катерина Павлова-Николовска

Бочварски: Обиколницата Штип од утре ја пуштаме во употреба за сообраќај

Ана Ололовска

Бочварски: Започна бушењето на тунелот на експресниот пат Градско – Прилеп

А1он

Бочварски – Ал-Тани: Да се разгледа можноста за обнова на авиолинијата Скопје – Катар

Ана Ололовска