Втор циклус бесплатни обуки за напредни ИТ вештини за невработени

Од:

Започна вториот циклус бесплатни обуки за Java програмери и софтвер тестери, едни од најбараните профили на пазарот на трудот во ИТ индустријата. На проектот организиран од Агенција за вработување на Република Македонија во соработка со Семос Едукација како спроведувач на обуките, ќе можат да се пријавуваат невработени лица заинтересирани за ORACLE – официјална обука за Java SE8 Programmer или ISTQB – официјална обука за тестери за квалитет на софтвер.

– Иако станува збор за напредни ИТ вештини, кандидатите не е потребно да имаат претходни познавања во оваа област, односно потребно е само познавање на основните компјутерски вештини. Kандидатите потребно е да имаат минимум завршено средно образование и да бидат евидентирани како невработени лица без разлика на нивната возраст. Обуките ќе се спроведуваат во период од два до четири месеци вклучувајќи настава со користење на официјална литература, подготовка на кандидатите за сертификација и спроведување на испити за стекнување со меѓународно признаен сертификат, соопштуваат од АВРМ.

Од СЕМОС Едукација истакнуваат дека овие обуки ќе ја зголемат вработливоста на 100 невработени лица и ќе обезбедат можност за стекнување професионални вештини и квалификации за работни места кои се барани на пазарот на трудот.

Заинтересираните можат да се пријавуваат во сите канцеларии во АВРМ, a огласот ќе биде отворен сè до целосно пополнување на предвидениот број на кандидати.

Би можело да ве интересира

Невработеноста во еврозоната на рекордно ниско ниво од 6,5 проценти

А1он

Евростат: Стапката на невработеност во ЕУ е шест проценти

Рекорден број Французи дале отказ од работа во потрага по постојана работа

А1он

Намалена невработеноста во Грција

А1он

Невработеноста во САД повторно на најниско ниво во последните 50 години

Хаѕидакис: Невработеноста во Грција падна на 11,9 отсто во февруари и не е прво априлска шега

А1он