Вработените во „Еурокомпозит“ бараат Владата да каже дали има мерки за нив

Од:

Околу 60 вработени во прилепската наменска фабрика „Еурокомпозит“ протестирата и бараат одговор од Владата во која категорија спаѓаат и дали некакви мерки ги опфаѓаат.

Роберт Богданоски, претседател на синдикатот во компанијата, нагласува дека сите им велат седете дома, но не знаат од што да живеат зашто пет месеци се без плата, без здравствено осигурување, без работа, а се водат како вработени.

– Целта на протестов е да види Владата дека сѐ уште постоиме. Некој од Владата да излезе и да каже во која група се овие 63 вработени во „Еурокомпозит“. Дали во вработени или невработени и дали, воопшто, некои мерки ќе бидат преземени за нас. Апелираме до Владата – пет месеци немаме земено плата, ниту пак здравствено осигурување. Сите велат да седиме дома, но како да издржиме, нека каже Владата. Преку директорот баравме дали некои мерки не опфаќаат. Тој упатил неколку писма до претставникот на државниот капитал. Оттаму е речено дека барањето ќе биде препратено до вицепремиерот Царовска. Досега нема никаков одговор, вели Богданоски.

Во меѓувреме, се случиле неколку кражби во компанијата зашто не работи чуварската служба.

-Украдени се бакарен кабел и неколку трансформатори од ЦНЦ машини. Штетата е огромна и не може во никој случај да се надомести, иако се фатени крадците. Фирмата се запустува, а никој не преземе нешто. Нашето обезбедување не работи, зашто немаше никави услови, без електрична енергија, тоа беше нагласено од претставникот на државниот капитал, па објектите ги обезбедува полицијата. Наутро обезбедува еден претставник, во втора и во трета смена се по двајца, вели Богданоски.

Во „Еурокомпозит“ останаа 63 работници, откако 154 заминаа како технолошки вишок. Сите со месеци чекаат исплата на заостанатите придонеси за 6,5 години. Иако во октомври парламентот ја изглас аодлуката за исплата, досега нема ништо ефектуирано, а единственото објаснување е дека ќе се решава по изборите.

Би можело да ве интересира

Влада: Одлука за кадровското решение во ЦУК на наредната седница

Студентите и вработените на ФИНКИ на протест пред Владата

Зошто се одложува изборот на нов универзален снабдувач на струја за домаќинствата?

А1он

Тошковски за поништувањето на неговите наредби: Во влада се тотално неинформирани, како не им е срам

Орце Костов

Џафери за новите автомобили: Лизингот е поевтино решение, ако останат во Владата одржувањето ќе биде скапо

Орце Костов

Битиќи за владината набавка на 45 нови возила: Подобро е на лизинг, трошоците се помали

Орце Костов