ВМРО-ДПМНЕ: Скоро 8 милијарди евра или 64% ќе се качи јавниот долг годинава

Од:

„Околу 8 милијарди евра или близу 64% ќе достигне јавниот долг годинава, согласно проекциите на министерството за финансии во Стратегијата за управување со јавен долг 2022-2026. Тоа значи дека секое четиричлено семејство во државава, од 2021 натаму, ќе должи по 16.000 евра. Владата веќе тргна да им ги наплатува овие пари преку „зелени“ такси и даноци кои оваа и следната година ќе се воведат за граѓаните и фирмите“, велат од ВМРО-ДПМНЕ.

„Над 8 и пол милијарди евра Владата планира да го качи јавниот долг догодина. Тоа се 66% од БДП. Тоа се 6 процентни поени над Мастришкиот критериум за јавен долг. Тоа е скоро двојно од состојбата која ја затекна владата на СДСМ во 2017 година. Изминативе години освен редовните аукции на Министерството за финансии, кредити кај домашните банки и меѓународните финансиски институции, се земаа и еврообврзници по рекордни суми.

Она што е најголемиот проблем е на што одат овие пари. Капиталните инвестиции потфрлаат со бедна реализација од околу 20% за половина година. За сметка на тоа, секојдневно читаме за нови партиски вработувања во државната администрација и небулозни јавни набавки за ќеифот на функционерите од власта.

Во очекување на објавата на редовните податоци на министерството за финансии на 30 јули 2021, прашуваме на што ги потрошивте парите“, соопштува ВМРО-ДПМНЕ.

Би можело да ве интересира

ВМРО-ДПМНЕ: Аман Дуле не го брани Шилегов, штотуку призна кривично дело

Ана Ололовска

СДСМ: Пропадна нова лага на ВМРО-ДПМНЕ, расте стравот во белиот дворец од извесниот пораз во Скопје на изборите

Ана Ололовска

Весковски: Трагикомични се клеветите изнесени од портпаролот на ВМРО-ДПМНЕ, барам јавно извинување од Арсовски

Ана Ололовска

(ВИДЕО) Арсовски: Филипче и Заев наместо да дадат оставки тие апсат луѓе кои што мирно протестираа

Ана Ололовска

(ВИДЕО) Арсовски: Шилегов – Весковски местеле тендер, прво ја завршиле набавката, па распишале тендер

Ана Ололовска

ВМРО-ДПМНЕ: За Филипче и Заев поважни се грчките плажи од животот на 14-те изгорени во Тетово

Ана Ололовска