ВМРО-ДПМНЕ: Македонија во топ 10 земји по инфлација на храната, народот ќе трпи за леб, а на Ковачевски око не му трепнува

Од:

„Поради владата на СДС и ДУИ, Македонија се соочува со економска катастрофа и драстично осиромашување на народот. Тоа го покажува и новиот извештај на Светска Банка според кој Македонија е во првите десет земји во светот кои имаат највисока реална инфлација во храна“, соопшти ВМРО-ДПМНЕ.

„Оваа стапка се пресметува како инфлација на цените на храната минус вкупната инфлација и резултатите се поразителни. Од Европските земји пред нас е само Унгарија, а со Турција ја делиме позицијата. Други европски земји нема, туку сите останати се од Африка.

Катастрофални параметри измерил и Државниот завод за статистика во октомври, според кој цените за храна во октомври се повисоки за 32,4%. Но ако се земе предвид поскапувањето на основните намирници за над 50%, тогаш осиромашувањето на народот е далеку поголемо. Народот ќе трпи за леб, а на Ковачевски око не му трепнува.

Владата на Ковачевски не направи ништо ова да го спречи. Напротив тие времето го трошат на тендери и лично богатење додека народот се соочува со рекордни стапки на инфлација кои се едни од највисоките во Европа и светот. Цените беснеат, долгот забрзано расте, енергетската криза станува се поголема, а Македонија со Ковачевски како по правило секогаш има најлоши параметри во споредба со другите земји.

Оваа неспосбна и криминална власт мора да замине. Народот премногу скапо ја плаќа нивната неодговорност“, се вели во соопштението на ВМРО-ДПМНЕ.

Би можело да ве интересира

Стоилковски: Имаме ситуација на студена војна меѓу Македонија и Бугарија, а премиерот и претседателот си играат аналитичари

ВМРО-ДПМНЕ: Ковачевски да каже како е можно на се што испопотпишаа да создадат студена дипломатска војна со Бугарија

ВИДЕО: Падна понуда за кладба во Собранието меѓу власта и опозицијата

Кристијан Ландов

Стоилковски: Човекот кој избегал од затвор, за кој држев прес денес, ми става лајк од бегство, Спасовски оставка веднаш

Ана Ололовска

Талески: ВМРО-ДПМНЕ да го поддржи Договорот со Фронтекс во Собрание

ЕСМ: Блок 1 од РЕК Битола нема дефект, плански е исклучен поради интервенции