Според податоците на државниот завод за статистика за третиот квартал од 2019 година извозот бележи рекорден пад во текот на целиот период од јануари до октомври. Тој пад изнесува 5% и е најголем пад во последните 5 години, велат од ВМРО-ДПМНЕ преку соопштение.
„Нивото на БДП бележи незначителен раст, кој и покрај вештачкото зголемување изнесува само скромни 3.6%, кое е далеку од ветените 5% раст кои ги најавуваше Зоран Заев во предизборието.
Лошата политика на власта се огледа и во падот на преработувачката индустрија од 0.5%, додека останатите сектори забележуваат скромен и
незначителен раст.
Лоши резултати има и ИТ индустријата која бележи пад од 3.2%.
Сите показатели покажуваат дека лошите економско – даночни политики ја уриваат економијата.
Лошите економски показатели ќе бидат минато по 12 април, кога ќе настапи обнова на Македонија.“, се наведува во соопштението на партијата.