Владата не ја прошири листата на производи со замрзнати маржи оти уште се анализира пазарот

Од:

Владата одржа уште една седница на која не ја прошири листата на производи со замрзнати цени, согласно најавите на министерот за економија Крешник Бектеши. Портпаролот на Владата Муамет Хоџа денес објасни дека на проширување на листата се уште се работи.

„Владата на вчерашната седница не донесе одлука со која се проширува листата на производи на кои им е определена маржата. Економскиот тим е во постојан контакт со сите засегнати страни и во тој контекст како и претходно што најавија ќе има проширена листа на производи по завршување на потребните анализи на пазарот“, рече портпаролот Хоџа.

На вчерашната седница Владата донесе одлука да се продолжи рокот на траење на мерката за ограничување на маржата за основните прехранбени производи во трговијата на големо и на мало и во следните три месеци, односно до 31 декември 2022 година.

За да го спречи неконтролираниот раст на цените на основните продукти предизвикан од енергетската криза, Владата во јуни годинава ги ограничи маржите на лебот, шеќерот и сончогледовото масло на 5% и на пченицата, макароните, шпагетите, оризот и кравјото млеко на 10 %.

Поради значителниот скок на цените на сите останати продукти по замрзнување на маржите на основните продукти, министерот Бектеши најави проширување на листатата.

Би можело да ве интересира

Влада: Одлука за кадровското решение во ЦУК на наредната седница

Студентите и вработените на ФИНКИ на протест пред Владата

Зошто се одложува изборот на нов универзален снабдувач на струја за домаќинствата?

А1он

Тошковски за поништувањето на неговите наредби: Во влада се тотално неинформирани, како не им е срам

Орце Костов

Џафери за новите автомобили: Лизингот е поевтино решение, ако останат во Владата одржувањето ќе биде скапо

Орце Костов

Битиќи за владината набавка на 45 нови возила: Подобро е на лизинг, трошоците се помали

Орце Костов