Виз Ер автоматски ќе ги додаде кредитите од откажаните летови

Од:

Авиокомпанијата Виз Ер денеска објави дека како резултат на значително поголемиот обем откажани летови поради ограничувањата на патувања, наметнати како борба против ширењето на пандемијата Ковид 19, го автоматизираше процесот на рефундација на афектираните клиенти со автоматско поставување на 120 проценти од оригиналната цена во делот на Виз кредитите на сметките на своите клиенти.

– Паралелно со воведувањето на автоматскиот процес на рефундација, авиокомпанијата привремено ќе ги оневозможи своите опции за онлајн регистрација најдоцна до 14 април 2020 година за да се осигури дека може да се справи со откажувањата примени во последно време, чија бројка е зголемена повеќе од 100 пати. Wizz Air би сакал да ги увери сите свои клиенти дека дури и ако процесот потрае подолго од вообичаеното, сите побарувања ќе бидат решени и клиентите ќе имаат право на рефундација по откажаниот лет, стои во соопштението од нискобуџетната авиокомпанија која опслужува повеќе летови од аеродормите во Скопје и во Охрид.

Додека автоматскиот процес на враќање на готовина за туристички агенции се развива со висок приоритет, Виз Ер ги замолува туристичките агенции да го контактираат центарот за повици на авиокомпанијата.

Патниците кои ги направиле своите резервации преку туристички агенции – вклучувајќи ги и онлајн туристичките агенции – треба да ги контактираат компаниите преку кои ги купиле своите билети. – Во овој исклучително невообичаен период ве замолуваме да ги користите нашите платформи за самопослужување, кои се наведени во електронските пошти за да се намали колку што е можно повеќе користењето на нашите центри за повици кои и онака се премногу зафатени, наведува авиокомпанијата.

Во државава, како мерка за превентивно спречување на натамошното ширење на коронавирусот привремено веќе е затворен аеродромот „Св. Апостол Павле“ во Охрид, а Владата синоќа заклучи во рок од 48 часа да биде затворен и Меѓународниот аеродром Скопје и граничниот премин на овој аеродорм, освен за државни, воени, хуманитарни, болнички, карго и летови без патници за позиционирање на воздухоплови, со претходна најава до аеродромскиот оператор ТАВ Македонија. Детали за затворањето на аеродоромот концесионерот ќе објави дополнително.

Би можело да ве интересира

Безбедноста и здравјето на туристите и туристичките работници главен приоритет на Грција во пресрет на летната сезона

Ана Ололовска

Wizz Air ја продолжи суспензијата на сите летови од и до Македонија

Ана Ололовска

„Визер“ воведува авиолинија Скопје – Салцбург

Ана Ололовска

Ќе се смени критериумот за категоризација на сместувачките капацитети, платформата достапна од 15 јуни

Ана Ололовска

Владата донесе уредба за ваучери во вонредна состојба за поддршка на домашниот туризам

Ана Ололовска

Стопанската комора за туризам: Ќе се затворат 800 туристички агенции и туроператори ако бидат изземени од мерката „ваучери за домашен туризам“

Ана Ололовска