(ВИДЕО) Николовски: Ранковце ќе добие современ систем за наводнување

Од:

Во месец мај ќе биде објавен тендерот за изградба на хидросистемот во Славишко Поле, со кој општина Ранковце ќе добие современ еколошки систем за наводнување, изјави на денешната средба со жителите и земјоделците од Општина Pанковце министерот за земјоделство, шумарство и водостопанство Љупчо Николовски.

Станува збор за еден од вкупно осумте мали системи за наводнување на неколку локации во државата кои се дел од проектот финансиран од Европска унија „Мали нискотрошковни, еколошки прифатливи системи за наводнување“.

–Ова е еден меѓу првите системи од проектот на ЕУ, кој шт го реализира Министерството за земјоделство, шумарство и воодостопанство. Досегашниот систем за наводнување во Ранковце покрива околу 40 хектари, а со овој проект општината ќе добие модерен систем за наводнување и ќе се наводнуваат над 300 хектари. Лани одржавме повеќе средби со земјоделците и жителите, направивме анализи и токму овие анализи покажаа многу позитивни резултати и во делот на заинтересираноста и во делот на ефектите кои би се постигнале со овој систем во однос на зголемување на приносите и промените на соодветни култури со кои се занимаваат земјоделците. Со реализацијата на овој систем се создава можност да се одгледуваат и долгогодишни култури во овој познат земјоделски регион, изјави Николовски.

Минатата година е изработена физибилити студијата за хидросистемот во Славишко Поле, а вредноста на инвестицијата е еден милион евра, пари обезбедени преку ИПА програмата на ЕУ. Рокот за изградба на системот за наводнување е една година.

-Покрај системот во Ранковце, во првата фаза ќе се градат уште два система од вкупно осумте, а вредноста на трите системи изнесува околу 2,7 милиони евра, од кои наjголема е инвестицијата во Славишкото Поле, додаде Николовски.

Делегацијата на Европската унија ќе го објави тендерот за избор на изведувач на градежните работи и тендерот за надзор на градба на системот „Славишко Поле“ во мај.

Би можело да ве интересира

(ВИДЕО) Прентовиќ: 55.000 земјоделци добиваат 30 отсто поевтина нафта

Ана Ололовска

ВИДЕО: Одобрен лов на диви свињи како превентива против „африканска чума“

Ана Ололовска

(ВИДЕО) Трипуновски: Зелена нафта е само козметичка мерка, не ги решава проблемите на земјоделците

Ана Ололовска

(ВИДЕО) Трипуновски: СДСМ носи само стагнација на македонскиот аграр

Ана Ололовска

(ВИДЕО) Трипуновски: Зелена нафта за едни ќе има, за други не

Ана Ололовска

До крајот на месецов земјоделците ќе можат да купуваат „зелена нафта“

Ана Ололовска