Генералниот секретар на СДСМ, Љупчо Николовски денеска беше во посета на Струга и струшкиот регион, а воедно ја посети и месната индустрија Билјанови во село Мислешево, како една од успешните примери на водење на бизниси и корисник на средствата од ИПАРД 2 програмата.
Николовски посочи дека Владата предводена од СДСМ за само две и пол години направи значајни чекори во однос на се поголема искористеност на европските средства и поголема поддршка во агро секторот.
– Преку олеснети административни процедури, со едукација, со олеснет пристап до фондовите и зголемен број повици, се создадоа услови за првпат државата да не ги враќа парите назад.
За тоа зборува и искористеноста од 41% од буџетот на ИПАРД 2 програмата, односно до денес склучени се 1477 договори во вредност од над 32 милиони евра. -истакна Николовски.
„Тоа е една голема потврда дека сме на прав пат. Продолжуваме и понатаму со што поголема искористеност на европските фондови кои ни стојат на располагање“, посочи Николовски.