(ВИДЕО) Митрески: Пратениците да го поддржат ребалансот на Буџетот, тој обезбедува поддршка од 470 милиони евра

Од:

„Денеска пред пратениците се измените и дополнувањата на Буџетот за 2020 година. Со овој ребаланс, се обезбедуваат 470 милиони евра за реализација на четвртиот пакет мерки за справување со економските последици од коронакризата.

Преку овој пакет мерки, 70 милиони евра ќе бидат наменети за поддршка на 83.000 работни места, односно ќе се субвенционираат вкупно 250.000 плати за месеците октомври, ноември и декември“, рече Јован Митрески, координатор на пратеничката група на СДСМ и коалицијата.

„Овој пат, поддршката за исплата на плати ќе биде скалеста и ќе се движи од 14.500 до максимални 21.776 денари месечно, согласно падот на прометот на компаниите кои аплицираат за финансиска помош.

Со 27,6 милиони евра ќе се помогнат 283.000 граѓани кои ќе добијат домашни платежни картички во вредност од по 6.000 денари. Домашни платежни картички ќе добијат пензионери со пензии до 15.000 денари, самохрани родители, невработени лица, како и лица над 64 години а кои немаат социјална пензија ниту други приходи.

Покрај овие, четвриот пакет содржи уште дваесеттина мерки преку кои обезбедуваме силна поддршка за компаниите преку поволни кредити, грантови, но и даночни олеснувања за брзо опоравување на секторите кои се најмногу погодени.

Со ребалансот се поддржуваат и важни проекти на локално нови низ речиси сите општини“, изјави Јован Митрески, координатор на пратеничката група на СДСМ и коалицијата.

Би можело да ве интересира

(ВИДЕО) Митрески: ВМРО-ДПМНЕ ги блокира измените на Деловникот и работата на комисиите

Ана Ололовска

(ВИДЕО) Васев: Мицкоски да одговори за чии интереси работи

Ана Ололовска

СДСМ: Хистеријата што ја шири Мицкоски е на штета на државата и на граѓаните

Ана Ололовска

СДСМ: ВМРО-ДПМНЕ ги кочи измените на Деловникот на Собранието, неодговорното однесување на Мицкоски на дело

Ана Ололовска

(ВИДЕО): Кузеска: Мицкоски е разобличен, одработува за странски интереси

СДСМ: Мицкоски да каже кој му ја дал информацијата дека наводно се распарчува државата?

Ана Ололовска