(ВИДЕО) Костадинов: Продолжува растот на платите и пензиите

Од:

„Растот на платите продолжува, се повеќе пари завршуваат кај граѓаните. Зголемени се платите за 5% за вработените во образованието, градинките, културата, одбраната, полицијата, јавниот сектор, а за 10% на лекарите специјалисти.

Со зголемувањето на минималната плата на 12.000 денари која важи за сите стопански гранки, 90.000 работници, наши сограѓани добиваат повисоки плати“, рече Костадин Костадинов, портпарол и пратеник на СДСМ.

„Од месец април, со законското усогласување минималната плата е зголемена и сега изнесува 12.507 денари.

Она што е многу важно, започнат е процес за ново покачување на минималната плата на 13.000 денари и зголемување на социјалната помош од над 300%.

Со економските мерки и отворената спирала за раст на платите просечната плата во февруари оваа година изнесува 24.192 денари што е за 4.5 отсто повеќе во споредба со истиот месец во 2018 година.

Зголемувањето на платите продолжува, очекувано е просечната плата до крајот на 2020 година да изнесува 500 евра или 30.000 денари.

Покрај платите растат и пензиите. Просечната пензија од 2017 година до денес пораснала за 826 денари. Растот на пензиите продолжува согласно законските усогласувања.

Зборот е збор, се повеќе пари завршуваат кај граѓаните.

Економските реформи и напредокот на државата во евроинтеграциите ја стабилизираа економијата и отвораат можности за засилен економски раст и развој.

Како одговорна партија остануваме посветени на спроведување на мерките што обезбедуваат повисоки плати, подобро платени и повисок животен стандард за сите граѓани на Република Северна Македонија“, изјави Костадин Костадинов, портпарол и пратеник на СДСМ.

Би можело да ве интересира

(ВИДЕО) Костадинов: СДСМ се менува и отвара шанси за младите

Ана Ололовска

СДСМ: Промените се нова енергија за забрзување на напредокот, во белиот дворец на ВМРО-ДПМНЕ ништо не се менува

Ана Ололовска

Заев денеска ќе го достави предлозите за нови министри и заменици-министри

Ана Ололовска

ВИДЕО: За потпретседатели на СДСМ се избрани Царовска, Петров, Спасовски, Зекири и Манчевски

Татјана Ташкова

Заев: Доколку постојат докази за незаконско инволвирање во „Рекет“ веднаш да се објават

Татјана Ташкова

СДСМ: Никој не е над законите, истрагата да продолжи онаму каде што водат доказите

Ана Ололовска