ВИДЕО: Кон средината на следната година ќе биде готов новиот мост кој ќе ги поврзува Аеродром и Гази Баба

Од:

Градежните активности на новиот мост „АСНОМ“ кој треба да ги поврзе општините Аеродром и Гази Баба се одвиваат според предвиденото темпо и очекувањата се дека до средината на следната година ќе биде заокружен овој проект.

Мостот ќе ги поврзува улицата „Васко Карангелевски“ во Аеродром со улицата „Индустриска“ во населбата Ќерамидница во Гази Баба. Вкупната должина на трасата изнесува 400 метри. Мостот ќе биде долг 150 метри, со шест коловозни ленти, а ќе има и велосипедски и пешачки патеки од двете страни.

Вредноста на договорот за изведба на оваа фаза изнесува 365,6 милиони денари со вклучен ДДВ.

– Денеска вршиме увид на интензивните градежни активности за изградбата на новиот мост на булеварот АСНОМ, односно втората фаза од пробивањето на булеварот. Веќе се поставени темелите, а мостот ќе биде со габарит како мостот Гоце Делчев и ќе овозможиме нов сообраќаен коридор од општина Аеродорм кон општина Гази Баба, изјави градоначалникот на Град Скопје, Петре Шилегов.

Вицепремиерката за економски прашања Мила Царовска, која заедно со Шилегов изврши увид во градежните активности, изрази задоволство што главниот архитект е жена.

-Јас сум сигурна дека градоначалникот ме покани на овој објект, не само да видиме до каде се овие градежни работи, туку заради тоа што главен архитект на овој круцијален мост во нашиот град е жена, главната архитектка којашто го следи и го гради овој објект. Жените во светот и во нашата држава градат мостови, но не само фигуративно, тука имаме и практично прикажување дека жените навистина може да градат вакви објекти, кои се од огромно значење, не само за градот, туку за целата нашата држава. На тој начин ја менуваме перцепцијата за тоа што е машка, што е женска професија, изјави Царовска.

Од Град Скопје посочуваат дека изградбата на ваков мост на реката Вардар во планската документација на Скопје постоела уште од 1965 година, но оти поради осуството на визија за развој на градот и немањето чувство за вистински приоритети, изградбата била одложувања.

По изградбата на мостот, како што посочува Град Скопје, граѓаните од Ново Лисиче до Судската палата со автомобил ќе се стигнуваат за пет минути, со автобус за 10 минути, со велосипед за 18 минути, а со пешачење за 35 минути.

Би можело да ве интересира

ВИДЕО: Да умреме како мажи, ама да не живееме како глувци – активисти од Гази Баба не дозволуваат депонија на штетен отпад

Искра Манојлоска

Гази Баба забранува отворање нови фабрики-загадувачи во општината

Жарко Настоски

Жителите на дел од „Партизанска“ во вторник без вода

Жарко Настоски

Град Скопје: Почнуваме со летна градежна офанзива на 11 локации

Ландов

За Задушница ќе се затвораат улици кај гробиштата во Бутел, Камник и Ѓорче Петров

Жарко Настоски

Скопските пожарникари покажаа што може да се прави со новата скала од 45 метри

Жарко Настоски