(ВИДЕО) Китев: Државата ќе ги исплати долговите кон лозарите

Од:

„Со задоволство сме овде да споделиме со вас, лозарите, уште една добра вест – владата предводена од СДСМ изнајде решение на уште еден наследен долгогодишен проблем.

Државата ќе ги исплати долговите на приватните винарници кон лозарите кои со години не можеа да го наплатат предадениот род од 2014-2016 година.

Со решението, државата обезбедува над 1.5 милиони евра кои ќе завршат директно кај лозарите во Тиквешкиот регион“, рече Бетиане Китев, пратеник од СДСМ и коалицијата.

„Преку измени на Законот за земјоделство и рурален развој, кои треба да се најдат пред пратениците во Собранието, ќе се постави правен основ државата да ги преземе неподмирените обврски на винарниците кон лозарите.

Ова се однесува на лозарите кои во периодот 2014-2016 година го предале грозјето во винарници кои биле регистрирани во регистарот на Министерството за земјоделство шумарство и водостопанство, а не добиле пари за предаденото грозје.

Веднаш потоа државата го презема долгот кон лозарите за предадено грозје во конкретниот период, за да бидат исплатени во најкус рок. Државата потоа ќе ги побарува овие средства од винарниците што ги направиле.

СДСМ продолжува да ги решава наследените проблеми. Обештетувањето на лозарите е пример за вистинска грижа кон земјоделците, кон граѓаните кои работат напорно и чесно заработуваат.

Ги повикувам сите пратеници да го поддржат ова решение за што побрзо лозарите да ги добијат парите кои што им припаѓаат“, изјави Бетиане Китев, пратеник од СДСМ и коалицијата.

Би можело да ве интересира

Талевски: ДПМНЕ и Тошковски ја загрозуваат безбедноста на граѓаните

Катерина Ѓуровски

Формирана „Коалиција за европска иднина“

Предраг Петровиќ

СДСМ: Безбедни ученици, бесплатен топол оброк во средно и основно

Горан Наумовски

СДСМ: Платформа од минатиот век се нови лажни ветувања на ДПМНЕ по пример на Скопје

(ВИДЕО) СДСМ и Движењето Нова Република потпишаа меморандум за соработка во пресрет на изборите

Николоски: Дали СДС, Ковачевски и Пендаровски го плаќаат консултантот Еисин со пари од кешот што го извлекувале од тендерите со РЕК