ВИДЕО: Илон Маск загуби 770 милиони долари по презентацијата на електричниот пикап „Тесла“

Од:

Акциите на компанијата „Тесла“, вчера пред затворање на берзите поефтинија за шест отсто, откако претходно беше претставено новото теренско електрично возило „Сајбертрак“, јави „Форбс“.

Како резултат на тоа, вредноста на акциите во сопственост на Елон Маск, основач на компанијата, се намали за 768 милиони долари, или тие сега вкупно вредат 23.6 милијарди долари.

Демонстрацијата на футуристички дизајнираното возило не помина во најдобар ред и инвеститорите не беа убедени во успешноста на проектот.

За време на презентацијата, Маск го повика конструкторот на автомобилот, Франц фон Холцхаузен, да прикаже колку е отпорно возилото со пад на тешка метална кугла врз предното стакло. Но, кога куглата го удри пикапот, стаклото се скрши. Маск потоа изјави дека не знае зошто, и вети дека „Тесла“ ќе го исправи тоа.

Презентацијата на „Сајбертрак“ беше во Лос Анџелес. Шасијата на теренското возило е направена од една парче легура изработена од суперцврст ладновалан челик, а стаклата се бронирани.

Презентацијата вклучуваше и тест со удари на тежок чекан кои не нанесоа штета на возилото.

Автомобилот ќе се продава во три модели. Најевтиниот ќе чини 39.000 долари, цената на двомоторниот модел е 49.000 долари а на тромоторниот – 69.000 долари. Производството е планирано да започне при крај на 2021 година.

Би можело да ве интересира

Маск создаде ново чудо: Овој робот ќе прави работи опасни за луѓето

Предраг Петровиќ

Тесла го зголеми производството и испораката на возила во четвртиот квартал од 2022 година

А1он

Маск ги продаде акциите на Тесла

А1он

Акциите на Тесла паѓаат поради Твитер, новата инвестиција на Маск

А1он

Маск продаде акции од „Тесла“ во вредност од речиси четири милијарди долари

Ана Ололовска

Маск продаде акции на „Тесла“ за 6,9 милијарди долари

А1он