(ВИДЕО) Илиевска: За само три месеци Владата го зголемила јавниот долг за една милијарда евра

Од:

„За само три месеци Владата го зголемила јавниот долг за една милијарда евра. Јавниот долг кој на крајот од првиот квартал оваа година изнесуваше 5,5 милијарди евра, за само три месеци се зголеми на 6,5 милијарди евра.

Тоа значи дека секое просечно семејство е задолжено за нови 2.000 евра јавен долг и тоа само за последниве три месеци! Ова е рекорден раст на јавен долг во Македонија за едно тримесечие, речиси 9 процентни поени.

„Со ова галопирачко темпо на задолжување веќе достигнавме 59,5% од БДП, но согласно Мастришките критериуми за влез во една земја во Европската монетарна унија, дозволуваат јавен долг од 60%.Со ова темпо на задолжување Македонија набрзо ќе го пробие овој критериум“, рече Анастасија Илиевска од ВМРО-ДПМНЕ.

„И покрај огромниот пораст на јавниот долг од една милијарда евра, проекциите се дека македонската економија годинава може да ја заврши со пад на бруто домашниот производ приближно на 10%, со што логично се отвора прашањето за која намена беа искористени овие пари?

Овие показатели се резултат на исклучително лошата економска политика на владата, задоцнетите и популистички мерки кои суштински не го помогнаа стопанството.

Во цела криза и немаштија дополнително се наметнуваат огромни давачки, како што е поскапувањето на струјата за цели 7,5%.

Очигледно е дека Македонија тоне. Пред избори се вршеше класичен поткуп на граѓаните со ваучери, а после избори го товарат секое семејство со поскапи сметки за струја за 200 евра на годишно ниво, 2.000 евра нов долг за три месеци, повисоки трошоци за живот и уништен стандард“, изјави Илиевска.

Би можело да ве интересира

(ВИДЕО) Пенков: Бербата е прикрај, грозјето скапува неоткупено

Ана Ололовска

ВМРО-ДПМНЕ: Филипче излажа – и по една година откако вети 24-часовно обезбедување и видео надзор во болниците – нема

Ана Ололовска

ВМРО-ДПМНЕ: Заев наместо решенија во пресрет на училишната година, нуди проблеми

Ана Ололовска

ВМРО-ДПМНЕ: Несоодветната постапка за работа на градинките го загрози здравјето на децата

Ана Ололовска

ВМРО-ДПМНЕ: Најавата за нов пакет мерки на мафијата на Заев е параван за ново крадење

Ана Ололовска

ВМРО-ДПМНЕ: Заев пак ги излажа лозарите, грозјето се откупува по мизерни цени или завршува на буниште

Ана Ололовска