(ВИДЕО) Анѓушев: Ќе работиме се додека не се пополнат до последно место со производствени хали сите парцели во индустриските зони

Од:

Владата ќе биде посветен и ќе работи на привлекување на странски инвестиции и ќе биде нивниот најдобар партнер, рече денеска вицепремиерот Кочо Анѓушев на свеченото отворање на фабриката Injection Moulding Prilep (IMP), инвестиција на германски Accomplast GmbH во Технолошко индустриската зона во Прилеп и притоа додаде дека Владата ќе работи се додека не ги пополни до последно место со производствени хали сите парцели во индустриските зони во Македонија.

– Со Планот за економски раст странските и домапните компании добиваат ист третман и Владата ги смета сите компании, без разлика на потеклото на капиталот, за македонски компании, бидејќи тука работат и произведуваат, истакна вицепремиерот Анѓушев.

Тој истакна дека го познава германскиот начин и систем на работа и се надева дека сите германски инвестиции во Република Македонија ќе го пренесат квалитетот и технологијата со што ќе придонесат за технолошки развој и раст на економијата на земјата.

– Знаеме дека постојат определени проблеми со инфраструктурата во ТИРЗ зоната, во поглед на недостаток на вода и канализационен систем. Ве уверувам дека Владата посветено ќе работи да ги надмине овие проблеми и да ги подобри условите во зоната, за да компаниите може нормално да функционираат и да се развиваат, заврши вицепремиерот Анѓушев.

Согласно деловниот план на компанијата, инвестициските вложувања на компанијата во период од четири години би изнесувале до 3 милиони евра, а би се креирале до 150 нови работни места. Во моментов во фабриката работат 20-ина вработени.

Специјалност на ИМП е пластично моделирање делови за автомобилската индустрија.

– Ни беше потребна многу сила за да се состават сите парчиња и во текот на работата стекнавме нови добри искуства. Тука се произведуваат делови од пластика и метал наменети за автомобилската индустрија. Се планира и отворање уште една хала „Инџекшн Молдинг Прилеп“, рече Инес Андре, еден од управителите на компанијата.

Вториот управител на компанијата Франк Михаелис изрази благодарност до претходната, но и до новата Влада за поддршката.

– Има доволно простор за нашите возбудливи идеи и ова е уште една пресвртница на нашата компанија во поновата историја на Македонија. Парите се инвестирани, вработените се обучени и направени се првите нарачки, истакна Михаелис.

Според Патрик Мартинс, претставник на Германската стопанска комора, Германија е најголемиот трговски партнер на Македонија и бројот на германските инвеститори тука значително се зголеми последните години.

– Македонија е една од ретките земји со трговски суфицит со Германија, односот е 2 : 1. Минатата година обемот на трговија меѓу Македонија и Германија изнесуваше 2,8 милијарди евра, стока во вредност од 2,1 милијарда евра била извезена од Македонија во Германија, а стока во вредност од 750 милиони била извезена од Германија во Македонија. Македонија има повеќе од 200 компании со германски капитал, кои вработуваат околу 15.000 лица, напомена Мартинс.

Би можело да ве интересира

Двајца прилепчани тепале Турчин по сообраќајна незгода во центарот на градот

Жарко Настоски

Млад прилепчанец си го вдомил кучето кое влетало под тркалата на неговиот автомобил

Искра Манојлоска

ВМРО-ДПМНЕ: Луѓе умираат, Заев и министрите се возат со хеликоптер

Катерина Павлова-Николовска

Возач во прилепскиот музеј избркан од работа поради Ковид-отсуство, колегите реагираат

Жарко Настоски

Алармантна ситуација во Прилеп – петмина починаа од Ковид-19 во еден ден, кризниот штаб бара подолг полициски час

Жарко Настоски

Прилепчанец почина по пад во рудник

Катерина Павлова-Николовска