(ВИДЕО) Ангеловска: Мојот став е дека платите на администрацијата треба да се намалат, работеа преку еден ден

Од:

Министерката за финансии Нина Ангеловска и како министер и како човек смета дека платите во администрацијата треба да се намалат оти товарот на кризата треба да го понесат сите. Таа извести дека даночните приходи бележат пад од 31 %, а од овие приходи се исплаќа платата во јавниот сектор.

„Сметам дека треба да има намалување од аспект на состојбата во која се наоѓаме, кризна ситуација во која сите заедно зборуваме дека треба да сносиме дел од товарот. Дел од товарот го носат и работниците од приватниот сектор кои што можеби овој период имаат намалени плати и кои загубиле работа. Ако сето тоа го имаме предвид и ако ги имаме предвид и мерките кои значеа намалување на работните активности на администрацијата, односно работа од одма преку еден ден која што се имплементираше, товарот треба да го понесеме сите. Од финансиски аспект се спроведе едно кратење во однос на реалокации на буџетски корисници со цел да се овозможат средства за реализација на мерките, бидејќи треба да го помогнеме приватниот сектор, тоа е тој сектор кој што ги генерира овие даночни приходи кои денес кажуваме дека се паднати за 31 %, а тие даночни приходи се користат за да се исплатат обврските меѓу кои и платата на јавната администрација“, рече министерката Ангеловска.

Таа нагласи дека потребата да се намалат платите на јавната администрација засега е само нејзин личен став, а Владата како колективен орган носи заеднички одлуки. За понатамошните случувања околу намалувањето на платите министерката Ангеловска рече дека дополнително ќе информираат.

Би можело да ве интересира

За компаниите со најниски приходи, најголема финансиска поддршка за исплата на плати

Ана Ололовска

Завршена амандманската расправа за ребалансот на Буџетот

Ана Ололовска

Ребалансот во собраниска процедура, поднесени околу 170 амандмани

Ана Ололовска

Бесими: Eкономиите во светот ги прошируваат дефицитите за да ја стимулираат економската активност

Ана Ололовска

Бесими: Со ребалансот на буџетот се овозможува спроведување на четвртиот пакет антикризни мерки

Ана Ололовска

Расправа по новиот ребаланс на Буџетот од утре во собраниската матична комисија

Ана Ололовска