Велковски: Издржани антикризни мерки вредни 400 милиони евра за заштита на граѓаните во време на криза

Од:

Пратеникот на СДСМ Диме Велковски, во рамките на собраниската расправа посветена на законските решенија за намалување на ДДВ и за акцизите истакна дека најновиот финансиски пакет мерки на Владата содржи издржани антикризни мерки за стопанството и за сите граѓани во непосредна висина од 400 милиони евра, која посредно се искачува на над половина милијарда евра.

– Морам да нагласам дека за ова не се задолжуваме, буџетот е ликвиден, приходите се на задоволително ниво, пензискиот фонд е во позитива и затоа има покачени пензии и повеќе пари за пензионерите и колку и да опозицијата сака да каже дека тоа не е така не и успева, истакна Велковски.

Тој повикувајќи дека службени податоци на Народната банка, истакна дека средствата во пензискиот фонд во 4 квартал од 2021 се зголемени за 7,762 милиони денари и затоа пензионерите можат да добијат помош од по 1000 денари во наредните пензии и линеарно покачување на пензиите од речиси 1000 денари од јуни натаму.

Со донесување на законот денеска, основните прехранбени производи од утре ќе имаат стапка за ДДВ од 0 посто, рече Велковски, додавајќи дека за нив и за други производи се укинуваат царинските давачки од сите земји од светот.

Тој додаде дека со мерките цените на горивата се намалуваат линеарно на две нивоа и тоа според пресметките во моментот за 11 денари за безнинот и за 10 денари за дизелот.

– Приходите во јануари годинава, во време на светска и економска криза се поголеми и во однос на 2021, 2020 и на 2019 година, буџетот е ликвиден и тоа е правата вистина и како прави пратеници треба да им кажеме на граѓаните дека нема потреба од паника, порача Велковски.

Би можело да ве интересира

Собранието го донесе Законот за медиуми и други закони

Горан Наумовски

МЗШВ: Собранието го донесе новиот закон за вино, лозарите добиваат гарантирана откупна цена на винското грозје

Нов парламентарен состав до 28 мај

Катерина Ѓуровски

Последната седница на овој парламентарен состав ќе се одржи до крајот на месецов

Не е донесен Законот за игри на среќа, постапката заврши

Катерина Ѓуровски

СДСМ предлага отворање медицински факултет во Битола, ВМРО-ДПМНЕ смета дека нема услови