УНКТАД: Коронавирусот ќе ги намали странските инвестиции

Од:

Директните странски инвестиции ќе се намалат за дури 40 проценти во 2020 година поради пандемијата на коронавирус, а најголем удар ќе претрпат земјите во развој, проценуваат Обединетите нации во најновиот извештај објавен денеска.

Странските директни инвестиции ќе се намалат од минатогодишните 1,540 милијарди американски долари под 1.000 милијарди долари, првпат од 2005 година, проценува Конференцијата на ООН за трговија и развој (УНКТАД). Во 2021 година ќе бидат намалени за дополнителни пет до 10 проценти, а закрепнувањето не се очекува до 2022 година, предвидува УНКТАД.

– Најголем пад на странските директни инвестиции ќе биде забележан во економиите во развој затоа што производството и вадењето на суровините е главно финансирано од странски капитал, појаснува експертот за инвестиции на УНКТАД, Џемс Жан.

Најголем дел од глобалните директни инвестиции се генерираат од 5.000 водечки мултинационални компании кои ги намалија годишните предвидувања за профит во просек за 40 проценти, забележува УНКТАД.

Пандемијата влијаеше и на прекуграничните спојувања и аквизициите на компаниите, кои беа преполовени во првите месеци од оваа година, пренесува агенцијата на Обединетите нации.

УНКТАД предвидува и дека кризата предизвикана од пандемијата на коронавирус ќе го поттикне зајакнувањето на економскиот национализам и ќе го забрза трендот на автоматизација на производството, како резултат на напорите на владите и компаниите да се заштитат од идните шокови.

Би можело да ве интересира

(ВИДЕО) Заев од зоната „Речица и Новине“: Бизнисмените да инвестираат во атрактивна зона, државата ќе продолжи со поддршката

Ана Ололовска

Кина ќе го зголеми вложувањето во технологија за да постигне повисок раст

А1он

ВИДЕО: Се гради нов центар за логистички услуги во Скопје, инвестиција од 4,5 милиони евра

Ана Ололовска

Подготовка на инфраструктурата во зоните за повеќе инвеститори по здравствената криза

Ана Ололовска

Инвестициите во италијанскиот здравствен сектор се на најниско ниво

А1он

Арсовска: Губиме големи странски инвестиции, неопходна е посветеност на структурните реформи

Ана Ололовска