И Твитер забранува реклами на крипто валути

Од:

Социјалната мрежа Твитер ќе ги забрани рекламите на крипто валути на својата платформа.

Американската компанија ќе ја објави одлуката во наредните две недели, откако се предвидува сите реклами поврзани со виртуелни валути, берзи и ИКО (Initial Coin Offering) процедури, да бидат забранети, но ќе се дозволат минимални исклучоци.

Во одговор на барање од страна на „КоинДеск“, портпаролот на Твитер изјавил дека ќе се воздржат од коментар во врска со информациите, но паралелно со тоа не ги негираат.

Од неодамна, Твитер се претвори во доста популарна платформа за се што е поврзано со крипто валутите и „блокчеин“ технологијата, вклучувајќи ја и промоцијата на ИКО процедури.

Информациите дека Твитер ќе ги забрани рекламите, доаѓа откако претходно овој месец извршниот директор и основач на социјалната мрежа Џек Дорси посочи дека ќе стори се за да ги сопре измамите со крипто валути на платформата.

Во меѓувреме, Гугл и Фејсбук воведоа забрана за реклами поврзани со крипто-валутите.

Фејсбук објави во почетокот на оваа година, преку пост на својот официјален блог дека ги забранува сите реклами кои се поврзани со примарната понуда на дигитални средства, бинарни опции и крипто валути.

Гигантот Гугл исто така најави минатата недела дека ги додава крипто-валутите во листата со забранети теми за реклама од месец јуни 2018 година, што ќе стави крај на рекламирањето на онлајн берзи за трговија и ИКО.

Со ова, три од најголемите интернет компании во светот ќе забранат промовирање на крипто валути, што е сериозен удар врз овој млад пазар.

Би можело да ве интересира

Судот пресуди дека Твитер го прекршил договорот за исплата на бонуси на вработените

Горан Наумовски

Твитер одби да се пребара профилот на Трамп, па заработи парична казна

Горан Наумовски

Од Слупчане не кажаа, 3000 денари за цело село или 3000 денари по куќа ќе плаќаат? – Реакции на социјалните мрежи

Орце Костов

Илон Маск најави промена на логото на Твитер: „Збогум на сите птици“

Илон Маск потврди: Твитер ќе го смени името

Твитер за црвените елеци на СДСМ: „На толкави плати, шетаат во елеци како од Црвен крст“

Орце Костов