Дел од тутунопроизводителите што го имаат предадено тутунот во Струмица Табак реагираат на исплатата на субвенциите. Според нивната математика, субвенцијата не изнесува по 60 денари за килограм.
„Јас предадов 3.670 тони тутун , а добив 197 илјади денари, или 23 денари помалку. Речиси сите во село Конче го имаат овој проблем. Се обративме до Тутунскиот комбинат Струмица Табак од каде не известија дека грешката е настаната поради погрешните податоци кои овој комбинат ги има пријавено во Платежната агенција“, вели тутунопроизводител од село Конче Радовишко
Нашите информации велат дека денеска правниците од Струмица Табак, се во Агенцијата за финансиска подршка на земјоделството и руралниот развој, каде што ќе се усогласат количествата на предаден тутун и дека секој тутунопроизводител во наредните неколку дена, ќе добие субвенции колку што му следуваат.