Турската централна банка повторно ќе одлучува за каматните стапки в четврток

Од:

Комитетот за монетарна политика на турската цен трална банка на 18 август ќе одлучи дали ќе ја промени главната каматна стапка, јави турската државна телевизија ТРТ Хабер.

dobivaj vesti na viber

Банката од почетокот на годината ја задржа основната каматна стапка непроменета на ниво од 14 отсто. Финансиската институција минатиот месец повторно одлучи да не ја менува основната каматна стапка.

Турскиот претседател Реџеп Таип Ердоган е познат по неговото противење на високите каматни стапки. Спротивно на класичните економски теории, тој тврдеше дека високите каматни стапки ја поттикнуваат инфлацијата. На крајот на 2021 година, Ердоган побара од централната банка да ја намали основната каматна стапка од 19 отсто на 14 отсто во периодот септември-декември.

Серијата намалувања на каматните стапки минатата година предизвика валутна криза и пораст на потрошувачките цени.

Минатиот месец Турција објави инфлација од речиси 80 отсто на годишна основа. Податоците на Турскиот статистички институт (Туркстат) за јули покажуваат дека стапката на инфлација е зголемена за 2,37 отсто во однос на претходниот месец, а во однос на јули 2021 година инфлацијата пораснала за дури 79,60 отсто.

Извор: МИА

Би можело да ве интересира

Турција и Либија потпишаа енергетски договор, Грција и Египет го оспоруваат

Катерина Павлова-Николовска

Боздаг: Без нов устав, не може да има нова Турција

А1он

Инфлацијата во Турција највисока во последните 24 години

А1он

Инфлацијата во Турција во септември 83,45 отсто

Во турски воздушен напад во северен Ирак погинале 23 Курди

Ана Ололовска

Ердоган: Од 2016 од Турција во Сирија се вратиле над 500.000 бегалци

Ана Ололовска