(ВИДЕО) Трипуновски: Со квази мерките на СДСМ не се решаваат проблемите на земјоделците

Од:

Дополнителниот заменик-министер за земјоделство, шумарство и водостопанство Цветан Трипуновски денеска обвини дека „министерот Трајан Димковски и СДСМ преку евтин популизам и неефективни мерки се обидуваат да вршат класичен поткуп на земјоделците пред избори“.

Изјава 22.05.2020

Трајан Димковски и СДСМ преку евтин популизам и неефективни мерки се обидуваат да вршат класичен поткуп на земјоделците пред избори. Наместо да се заангажираат и да најдат пласман на земјоделските производи, владата и министрите во неа сакаат со квази социјални мерки да го купат македонскиот земјоделец за избори.З години лажат и манипулираат со земјоделците. 3 години земјоделството е на апарати за дишење.Владата на земјоделците не им го дава ниту тоа што има законска обврска да го даде. Субвенциите доцнат, а неретко земјоделците се оставени без нив и по година или две. Се уште имаме неисплатени субвенции од 2017, 2018 и 2019 година. Ова е срамота. И тоа е работа која треба под итно да биде завршена. Барам итно исплаќање на заостанатите субвенции од минатите години. Земјоделците мора да ги добијат парите кои власта им ги должи.СДСМ многу зборува, а малку реализира. Со исплата доцнат и дополнителните мерки и мерките за обештетување на земјоделците од временски непогоди. Власта не мрдна со мал прст за земјоделците од скопско, преспанско, Росоман и други места каде што имаше природни непогоди.СДСМ е катастрофа за македонското земјоделство. Потребен е итен план и стратегија како понатаму. Со СДСМ тоа не е возможно. ВМРО-ДПМНЕ има план за обнова на Македонија, кој ќе ја крене државата на нозе и ќе донесе просперитет.ВМРО-ДПМНЕ е различно од СДСМ. Со СДСМ и Заев добивме хибриден режим, неспособност, криминал и сиромаштија.

Posted by Цветан Трипуновски on Петок, 22 мај 2020

-Наместо да се заангажираат и да најдат пласман на земјоделските производи, Владата и министрите во неа сакаат со квази социјални мерки да го купат македонскиот земјоделец за избори. На земјоделците не им треба милостињата на Заев, Димковски и Ангеловска. Земјоделците имаат потреба од организиран и сигурен пласман за нивните производи, работа која Заев ја ветуваше пред избори, а не ја исполни, но и високи откупни цени, кои исто така беа ветени, а сега никаде ги нема. Три години лажат и манипулираат со земјоделците, три години земјоделството е на апарати за дишење, изјави Трипуновски пред Владата.

Според него, Владата на земјоделците не им го дава ниту тоа што има законска обврска да го даде. Субвенциите доцнат, а неретко земјоделците се оставени без нив и по година или две.

-Се уште имаме неисплатени субвенции од 2017, 2018 и 2019 година. Ова е срамота. И тоа е работа која треба под итно да биде завршена. Барам итно исплаќање на заостанатите субвенции од минатите години. Земјоделците мора да ги добијат парите кои власта им ги должи. СДСМ многу зборува, а малку реализира. Со исплата доцнат и дополнителните мерки и мерките за обештетување на земјоделците од временски непогоди. Власта не мрдна со мал прст за земјоделците од скопско, преспанско, Росоман и други места каде што имаше природни непогоди. Мерката за „зелена нафта“ која на големо ја најавуваат, не им помага на земјоделците. Земјоделците со мерката добиваат ваучер од неколку стотина денари, пари кои ќе ги потрошат додека да ја однесат механизацијата од нивното населено место до најблиската бензинска станица за да наполнат гориво, и истата нема да има никаков ефект врз крајната цена на производот. Многу зборови, а нула реализација, рече дополнителниот заменик-министер.

Сите овие квази мерки кои ги предлага СДСМ, додаде, не го решаваат проблемот на земјоделците, туку само се обид за нивна манипулација.

Би можело да ве интересира

Земјоделците може да ги користат веќе извадените „трајни“ дозволи и во тридневниот карантински викенд

Ана Ололовска

МЗШВ: Земјоделците кои имале дозволи за движење со назнака „трајни“, продолжуваат да важат и за тридневниот карантински викенд

Ана Ололовска

Земјоделците кои ги загубиле или оштетиле картичките за зелена нафта до 12 јуни да ги пријават во подрачните единици на МЗШВ

Ана Ололовска

(ВИДЕО) Димковски: 5.000 земјоделци ќе треба да подигнат карички за „зелена нафта“, на останатите картичките ќе им се надополнат

Ана Ололовска

(ВИДЕО) Трипуновски: Заев зема од устата на земјоделецот, додека неговата влада штанца дозволи за марихуана на нему блиски лица

Ана Ололовска

ВИДЕО: Започнува заштитата од град со авионско засејување на облаците

Ана Ололовска