Трговските центри и продавниците треба да работат и во недела, смета министерот Бектеши

Од:

Некои од дејностите треба „да се извлечат“ од законското решение за недела неработен ден, а токму работата на трговските и туристичките центри е стратешки приоритет на нашата држава и треба да работат и во недела, вели министерот за економија Крешник Бектеши.

– Имајќи го предвид трендот на изградба на трговски центри, инвестициите кои се прават во таа дејност и приливот на странски туристи во викендите во нашата држава, а посебно од соседните држави, мислам дека многу внимателно треба се разгледа ова прашање и трговските центри да работат и во недела, рече Бектеши во одговор на прашање на денешната прес-конференција во Владата.

Согласно анализата на Министерството за економија, како што посочи тој, во недела би требало да работи и трговијата на мало, а во делот на трговијата на големо одредени дејности можат да не работат во недела.

– Кај оние дејности што ќе работат во недела дневниците на вработените треба да бидат зголемени за најмалку 50 отсто од редовните дневници, истакна Бектеши.

Министерот посочи дека најверојатно повеќето од дејностите во државата нема да работат во недела, но за привлекување на туристи, како што рече, секако дека туристичките центри би требало да работат и во недела.

– Тие дејности кои влијаат на привлекување на туристи и во развојот на туризмот секако дека ќе бидат исклучени од законското решение за недела неработен ден, што е најавено од Министерството за труд и социјална политика, прецизира Бектеши.

Би можело да ве интересира

Петтиот пакет антикризни мерки одобрен на Комисијата за финансирање, ќе се аплицира до 30 април

Ана Ололовска

Петтиот пакет мерки пред Комисијата за финансирање и буџет – за помошта за плати ќе се аплицира до 30 април

Ана Ололовска

За 122 денари во март зголемени основните трошоци на едно семејство

Ана Ололовска

Нови мерки за сите економски оператори кои ќе бидат затворени овие две недели

Ана Ололовска

ССМ не се согласува во целост со предложениот концепт за недела неработен ден

Се зголемува минималната плата, недела ќе биде неработен ден