Трет ден расправа за ребалансот на Буџетот за 2017

Од:

Собранието на Република Македонија денеска ќе ја продолжи расправата за ребалансот на Буџетот за 2017 година. Ова е е трет од петте предвидени денови според Деловникот за расправа за дополнетиот предлог на изменувањето и дополнувањето на Буџетот за 2017.

dobivaj vesti na viber

Владејачкото мнозинство и опозицијата со различни ставови за кратењето на средствата од Буџетот.

Опозицијата смета дека прекројувањето на државната каса неразвојно и непродуктивно.

Министерот за финансии Драган Тевдовски образложувајќи го ребалансот на Буџетот рече дека основната цел е намалување на непродуктивните трошоци и обезбедување простор за мерки кои ќе значат зајакнување на социјалната кохезија меѓу граѓаните и поддршка на домашните претпријатија.

Ребалансот се темели на проекција на раст на БДП од 2,2 отсто, буџетскиот дефицит е проектиран на 18,57 милијарди денари, вкупните приходи се ревидирани за 1,5 отсто надолу, односно за 2,87 милијарди денари, а социјалните придонеси согласно остварувањето се очекува до крајот на годината да имаат благ пораст во однос на иницијално буџетираните. Расходите, пак, наменети за стоки и услуги се скратени за околу две милијарди денари во однос на иницијалната проекција со Буџетот, додека договорните услуги се намалени за дури 902 милиона денара.

Капиталните расходи се ревидираат на 23,4 милијарди денари поради ниското ниво на реализација во првите шест месеци од годинава (8,7 милијарди денари). Извршено е намалување на средства кај капиталните проекти кои имаат забавена динамика на реализација на активностите во првата половина од годината.

Со ребалансот, патните трошоци на Владата и институциите се кратат за 122 милиона денари, а другите тековни расходи (репрезентации, економски промоции, рекламирања) за 257 милиони денари. Обезбедени се средства за субвенционирање на минималната плата која според проекциите треба да се зголеми на 12.000, за поддршка на малите и средните претпријатија, на домашни гринфилд инвестиции, на домашниот туризам, а има пари и за материјално обезбедување на стечајните работници.

Би можело да ве интересира

Собранието изгласа продолжување на кризните состојби поради недостиг на електрична и топлинска енергија

(ВИДЕО) Во Собрание се дискутира за нуждата на пратеничка од ВМРО-ДПМНЕ: Ова е насилство

Кристијан Ландов

Прва редовна координација во Собранието по колективниот одмор

Протоколите за пристапување на Финска и на Шведска во НАТО на дневен ред на седница на Собранието

(ВИДЕО) Џафери се налути и се закани дека ќе го распушти Собранието бидејќи немаше кворум: Ова не може да се толерира

Кристијан Ландов

Собранието го усвои ребалансот на буџетот, следуваат нови антикризни мерки