Претставниците на секторот за организација на настани и денес ги продолжуваат протестите пред Влада од 12 до 15 часот.
Оттаму посочуваат дека досега никој не ги контактирал, ниту пак, велат, некој покажал подготвеност за надминување или решавање на ситуацијата.
– Можеби им се допаѓа музиката која ја пуштаме па сакаат да продолжиме, додаваат во писменото соопштение.
„Инаку, ИВАП е членка на Паневропската Алијанса LiveCom Alliance, во која членуваат речиси сите европски држави, и ќе биде известена за третманот кон оваа значајна општествена гранка. Преку Алијансата нашиот апел ќе стигне до Брисел каде ивент индустријата беше препознаена уште минатата година и соодветно помогната“, се наведува во соопштението на ИВАП.