Тесла може да се врати на нормално производство во Шангај до средината на мај

Од:

Американскиот производител на електрични автомобили „Тесла“ очекува да продолжи со производството во Шангај до средината на мај по големиот пад предизвикан од блокадата на метрополата, објави денеска локалното деловно издание Јикаи Глобал.

„Тесла“ беше принудена да ја затвори фабриката во Шангај на 28 март. На 19 април, производството продолжи, но во обем кој сè уште не го достигнал нивото пред избувнувањето на пандемијата во градот и е само една третина од нормата. Во април биле произведени само 10.000 електрични автомобили.

„Сè уште имаме акумулирани нарачки кои не се исполнети и испорачани, па сега главен приоритет е зголемување на производствените капацитети“, наведуваат од компанијата.

Експертите веруваат дека клиентите ако нарачаат електрични автомобили на „Тесла“ сега, периодот на извршување ќе трае околу шест месеци.

Договорот за изградба на фабрика на „Тесла“ во Шангај беше потпишан во јули 2018 година. Првата фаза од објектот, лоциран во областа Линганг на пилот зоната за слободна трговија во Шангај, беше изградена за само една година до крајот на 2019 година. Вкупната инвестиција во овој проект изнесува околу 50 милијарди јуани (околу 7,5 милијарди долари).

Во 2021 година, во оваа фабрика беа составени повеќе од 484.000 електрични возила – зголемување од 235 отсто на годишно ниво.

Извор: МИА

Би можело да ве интересира

Маск создаде ново чудо: Овој робот ќе прави работи опасни за луѓето

Предраг Петровиќ

Тесла го зголеми производството и испораката на возила во четвртиот квартал од 2022 година

А1он

Маск ги продаде акциите на Тесла

А1он

Акциите на Тесла паѓаат поради Твитер, новата инвестиција на Маск

А1он

Маск продаде акции од „Тесла“ во вредност од речиси четири милијарди долари

Ана Ололовска

Маск продаде акции на „Тесла“ за 6,9 милијарди долари

А1он