Светската банка вчера соопшти дека подготвува пакет помош од три милијарди американски долари за воено разурната Украина, кој ќе вклучи најмалку 350 милиони американски долари непосредни средства, објавија западните медиуми.
– Првата транша од помошта „ќе биде поднесена до Одборот за одобрување оваа недела, по што ќе следуваат 200 милиони американски долари за брза поддршка на здравството и образованието, изјави претседателот на Светска банка Дејвид Малпас во заедничка изјава со директорката на ММФ, Кристалина Георгиева.
Меѓународниот монетарен фонд и Светската банка во изминатите денови ветија дека ќе обезбедат дополнителна поддршка за Украина и брзо започнаа со реализирање на ветувањето.
Извор: МИА