Светска банка ги намали своите перспективи за глобалната економија и предупреди дека ситуацијата може да се влоши ако инфекциите со Ковид-19 се зголемат или се забави спроведувањето на вакцинацијата.
По намалувањето од 4,3 проценти во 2020 година, глобалната економија се очекува да порасне за 4,0 отсто оваа година, за две десетини пониско од претходно предвиденото, бидејќи повеќе од половина од земјите ги намалија прогнозите во полугодишниот извештај на „Глобал Економик Проспектс“ (Global Economic Prospects).
Извештајот предупредува дека изгледите остануваат „многу несигурни“ и дека растот на БДП може да биде едвај 1,6 отсто доколку се остварат негативните прогнози.
Пандемијата на коронавирус ги влоши ризиците околу зголемувањето на долгот во земјите во развој и ќе бидат потребни глобални напори за да се избегне нова криза, предупреди Светска банка.
Со исклучок на Кина, полугодишниот извештај на Светска банка за глобалните економски перспективи предвидува дека пазарите во развој и земјите во развој ќе растат за само 3,4 отсто оваа година по намалувањето за 5,0 отсто во 2020 година.