Австриската компанија за луксузен накит Сваровски најави намалување на бројот на вработени ширум светот, јавуваат локалните медиуми.
Во седиштето на фирмата во австриското место Ватенс, бројот на вработени ќе се намали за 200, а во светот отпуштени ќе бидат 600 работници на Сваровски, соопшти компанијата. Како причина за овој чекор, Сваровски ја наведува пандемијата на коронавирусот, која тешко го погоди меѓународниот пазар на луксузни производи. Сваровски има над 27.000 вработени ширум светот.
Исто така, одлучено е да се работи со скратено работно време до крајот на септември, а тоа се однесува на сите вработени.
Како што е наведено во соопштението, во првата половина од оваа година има значително намалување на продажбата. Минатата година, „Сваровски“ оствари приход од 2,7 милијарди евра.