Стопанската комора почнува со онлајн обуки – ќе им помага на компаниите подобро да ги искористат мерките за поддршка

Од:

Стопанската комора на Македонија од утре ќе почне онлајн обуки за компаниите со цел тие полесно, поефикасно и соодветно да ги искористат владините мерки за поддршка.

Како што соопшти Комората, на практичен начин ќе се обработат и презентираат донесените уредби со законска сила што се во надлежност на Управата за јавни приходи.

-Промотивно, првата онлајн обука ја организираме во соработка со Управата за јавни приходи на тема „Поддршка на работодавачите од приватниот сектор погодени од здравствено-економската криза предизвикана од КОВИД-19“, која ќе се одржи утре, на 28 април, од 10:00 до 13:00 часот. Обуката преку виртуелна училница ќе се изведува во живо и вклучува целосна интеракција на учесницитевели оперативниот директор на Стопанската комора, Анета Трајковска.

Според неа, неизбежно е во овој вонреден период сите да го приспособат своето работење и да пристапат кон зголемена примена на дигиталните технологии и услуги, тие да станат приоритет во секојдневното работење.

Директорката информира дека Комората изврши набавка на опрема и претплата на еден од најквалитетните „онлајн“-софтвери за видео-конференциски врски која обезбедува стабилна конекција за голем број учесници и истовремено организирање на повеќе настани, со што во овој вонреден период ќе го приспособи целосно работењето.

-Преку примена на софистицирани дигитални технологии продолжуваме со континуирана организација на настани, состаноци, конференции, бизнис-форуми, прес-конференции и едукација, а со тоа продолжуваме и во остварувањето на целите на нашето постоење. Можеме да очекуваме дека по завршувањето на пандемијата корисничките навики можеби и ќе се променат и дигиталната услуга ќе стане приоритет во секојдневното работење и живеење на сите нас, наведува директорката.

Стопанската комора на Македонија минатата година организираше преку 225 настани (состаноци и расправи за компаниите, конференции, форуми, проектни активности, презентации) на здруженијата според дејности и преку регионалните комори, одржа 48 прес-конференции и повеќе од 40 бизнис-настани кои беа медиумски поддржани, а само преку Центарот за едукација беа организирани 120 едукативни настани на кои учествуваа 2.700 посетители.

Би можело да ве интересира

Претседателот на Стопанската комора за енергетика: Измамници нечесни, вирусот не е смртоносен

Ландов

Пешев: Во периодот што следува компаниите ќе имаат проблем да ја одржат ликвидноста

Ана Ололовска

Стопанската комора: Измените на економските мерки се добри за бизнисот, но остануваат отворени важни прашања за идниот период

А1он

Во мај вебинар на Стопанската комора за влијанието на Ковид врз осигурителниот сектор

Ана Ололовска

Азески: Проблеми со ликвидноста кон средината на мај, а со извозот во почетокот на јуни

Ана Ололовска

Вкупно 2.500 компании остварија контакт со Кризниот штаб на Стопанската комора на Македонија

А1он