Ставрески: Милијарда и 550 милиони евра странски инвестиции за четири години

Од:

За четири години во Република Македонија по основ на странски инвестиции се влезени милијарда и 550 милиони евра, што е двапати повеќе од вкупниот прилив по тој основ во периодот од 1990 година до 2005 година, ако се изземат приватизациите на државните монополи.

dobivaj vesti na viber

Тоа го информира денеска вицепремиерот и министер за финансии Зоран Ставрески, одговарајќи на новинарски прашања по прес-конференцијата за намалување на царините на повеќе производи од 1 јануари следната година.

Вкупниот прилив на странски инвестиции од 2007 до 2012 година од милијарда и 550 милиони евра, според Ставрески, покажува дека владините политики и мерки, вклучително и економските презентации надвор од државата, даваат резултати.

– Штета е што во вакви времиња вкупниот прилив во Европа и во светот е многу намален во однос на тоа што да речеме беше во 2004 и 2005 година и кога би имале такви околности како тогаш, резултатите ќе беа уште подобри. Но, евидентно е дека Република Македонија привлекува инвеститори и во вакви околности и тоа не од една земја, туку од повеќе, американски, британски, руски и останати компании, што се решаваат да дојдат во Македонија, укажа вицепремиерот.

Тоа, додаде, пред се, е резултат прво на подобрената бизнис клима бидејќи за да отидете на роуд шоу треба да имате што да клажете, а за да имате што да кажете треба да ја подобрите бизнис климата и тоа е евидентно преку рангирањето на Македонија од страна од Дуинг бизнис и на други места.

– А потоа е пренесувањето на таа приказна околу условите за бизнис во Македонија кај странските инвеститори бидејќи се работи за конкуренција во однос на други земји. Сите се агресивни сите сакаат да ги привлечат инвеститорите. Ако седите во земјата и ништо не правите се разбира дека нема никој да дојде. Треба да се биде амбициозен, да се отиде таму, да се објаснува и да се настојува да се прикаже земјата во позитивно светло, но затоа треба пред се да ги средите вкупните односи во земјата во делот на бизнис амбиентиот. Сметам дека таа структура веќе постои и затоа инвеститорите се почесто решаваат да инвестираат во Македонија, рече Ставрески.

Би можело да ве интересира

Бектеши: Почна со работа новиот производствен погон на Леар и Нормак во ТИРЗ Тетово, инвестиција од 15 милиони евра и до 1.500 нови вработувања

Ана Ололовска

ВИДЕО: Француски „Акуо Енерџи“ ќе гради соларен парк за 94.000 домаќинства кај Штип, вреден 270 милиони евра

Ана Ололовска

Прва француска стратешка инвестиција во соларен парк во Македонија

Ана Ололовска

Почна новата кампања за економскиот и инвестициски план на ЕУ за Западен Балкан

А1он

Ќе се градат луксузни ски центри на Јабланица, Бушова планина и на Караџица

Ана Ололовска

Деспотовски: До крајот на годината вкупниот износ на инвестиции ќе надмине 300 милиони евра