Ставрески: Денарот е стабилен, информациите за девалвација се лаги

Од:

Министерот за финасии Зоран Ставрески тврди дека не постои причина за промена на курсот на денарот и дека тој останува најдобрата валута за штедење. Според министерот, денарот ќе остане стабилен се додека ВМРО-ДПМНЕ ја води економската политика во Македонија.

Според него, пласираните информации за девалвација на денарот се шпекулации и лаги.

„Официјално во име на Владата ги деманитирам овие шпекулациите. Се работи за обична лага и груба невистина која е смислена со цел да се внесе психоза и страв кај населението. Мојата порака до граѓаните и стопанството е да не наседнуваат на вакви обични лаги. Нема ниту една причина за промена на курсот или некаков реален економски фактор што би го оправдал тоа“, изјави министерот Ставрески.

Ставрески кажа дека најголем гарант за стабилноста на денарот се девизните резерви кои, како што посочи се на историски највисоко ниво од 2 милијарди и 96 милиони евра и се за 820 милиони евра повеќе во однос на јули 2006 година кога ВМРО-ДПМНЕ ја доби шансата да ја води економската политика и вкупната политика во државата.

Според него, постои и ниско ниво на буџетски дефицит, како и ниско ниво на задолженост на земјата и извонредна координација меѓу монетарната и фискалната политика што заедно со стабилниот банкарски сектор дава сигурност дека ќе има и понатаму стабилен девизен курс.

Минисерот апелираше до граѓаните и до стапанските субјекти да не направат грешка и да не наседнат на вакви обични лаги, да продолжат и натаму да веруваат во домашната валута, да штедат во денари, бидејќи, како што посочи, така има најдобар принос за нивните заштеди бидејќи каматната стапка на денарите е прилично повисока во однос на каматната стапка на девизите.

Би можело да ве интересира

Ќе се зголемува школарината за студентите: Предлогот за поскапување испратен до студентските собранија

Орце Костов

МФ: ММФ го објави извештајот од Мисијата за член IV и ПЛЛ – Економијата зајакнува поттикната од јавните инвестиции, инфлацијата се намалува, се остваруваат фискалните цели

Нема да се намалат каматните стапки: Има ризици и покрај забавувањето на инфлацијата, сметаат од НБРМ

Орце Костов

Ковачевски: Буџетот за 2024 година ќе биде 5,5 милијарди евра, Владата ќе потроши 733 милиони за инвестиции

Орце Костов

Во инфлација штедачите поминуваат најлошо, а оние што купиле стан на кредит најдобро, сметаат аналитичарите

Орце Костов

Годинава раст од 1,9 отсто и инфлација од 9,5 отсто

Катерина Ѓуровски