ССМ најави генерален штрајк на 22 јуни ако дотогаш Владата не ги исполни сите барања

Од:

Ако нема исполнување на сите барања заклучно со 21 јуни јавниот сектор ќе стапи во генерален штрајк објави претседателот на Сојузот на синдикати на Македонија Дарко Димовски.

ССМ бара потпишување на општиот колективен договор каде што ќе се утврди линерално зголемување на платата од 2.806 денари за сите работници во јавниот сектор и враќање на изгубеното право на регрес во 2023 година во износ од 30 до 100 проценти од просечната плата во државата.

„Бараме итно зголемување на платите. Ценовните шокови и двоцифрената инфлација ни даваат право да бараме усогласување на платите веднаш, бидејќи веќе не се издржува“, изјави Димовски.

„Да не мешаме бабаи и жаби, тогаш баравме минимална плата која беше неопходна за справување со овие кризи“ рече Димовски одговрајќи на прашање околу задоволството од социјалниот дијалог со Владата изразено неодамна.

Тој објаснува дека со постигнатиот договор за минимална плата во приватниот сектор им се отворила вратата за усогласување според закон со неа и останатите плати.

Вакавата одлука на ССМ доаѓа по вчерашниот неуспешен обид за преговори со Владата. Пред ребалансот на буџетот синдикалците добија уверување дека ќе има по 2.800 денари зголемување на платите, но, велат, во предлог ребалансот таква ставка нема.

Би можело да ве интересира

Синдикалната минимална кошница за март 58 998 денари, само за еден месец се зголеми за 1522 денари

Орце Костов

ССМ бара повторување на постапката за конфискацијата на Работничкиот дом, најавува и протести

ССМ поднесе барање до Судскиот совет за разрешување на тројцата врховни судии кои донесоа одлука за одземање на работничкиот дом

Судскиот совет добил претставка и постапува по одлуката на Врховен суд за зградата на ССМ

ССМ бара оставка од тројцата судии што ја донеле одлуката за одземање на зградата, најавуваат постапка и пред Судскиот совет

Трендафилов: Со „плата во плико“ работниците стануваат модерни робови