ССМ бара да биде избришан член 12 од Предлог-законот за инфраструктурни проекти од коридорите 8 и 10

Од:

Сојузот на синдикати на Македонија реагира и бара да биде избришан членот 12 од Предлог-законот за утврдување на јавен интерес и номинирање на стратешки партнер за имплементација на проектот за изградба на инфраструктурниот Коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и коридорот 10 д (делница на автопатот Прилеп Битола).

Овој член, според ССМ, е преседан бидејќи, како што наведуваат, со него се предвидува стратешкиот партнер да има целосно право да го организира работното време на работниците кои би можело да бидат ангажирани во просек и до 60 часа неделно во текот на годината.

– Поддржувањето на работно време од огромни размери (просек од 60 часа неделно на годишно ниво) е начин на поддржување на присилна работа без почитување на човековите права и човечко достоинство, не водејќи грижа за работникот како најважен ресурс на државата. ССМ се грижи за заштита на работничките права и промовирање на човечкото достоинство, а државата, треба и мора, потребата од работна сила да си ја обезбеди не со енормно зголемување на работното време на поединци, туку со ангажирање на зголемен број на работниците и не со ризикување и оптеретување на здравјето на работниците кои ќе бидат изложени на обем на работа надвор од нивните човечки потенцијали, наведува ССМ во денешното соопштение.

ССМ очекува дека во понатамошната собраниска процедура ќе биде избришан членот 12 од Предлог-законот.

Дописот на ССМ, како што информираат, е испратен до претседателот на Собранието, координаторите на пратеничките групи, Министерството за труд и социјална политика, Владата и до канцеларијата на Меѓународната организација на трудот во Скопје.

Би можело да ве интересира

Синдикалната минимална кошница за март 58 998 денари, само за еден месец се зголеми за 1522 денари

Орце Костов

ССМ бара повторување на постапката за конфискацијата на Работничкиот дом, најавува и протести

ССМ поднесе барање до Судскиот совет за разрешување на тројцата врховни судии кои донесоа одлука за одземање на работничкиот дом

Судскиот совет добил претставка и постапува по одлуката на Врховен суд за зградата на ССМ

ССМ бара оставка од тројцата судии што ја донеле одлуката за одземање на зградата, најавуваат постапка и пред Судскиот совет

Трендафилов: Со „плата во плико“ работниците стануваат модерни робови