Вредноста на српскиот динар денеска е намалена за дополнителни 0,1 процент, со што тој достигна нова најниска вредност во однос на еврото од воведувањето на зедничката европска валута.
Според средниот курс на Народната банка на Србија, едно евро денеска чини 112,5775 динари.
Во обид да ја одржи стабилноста на курсот на српскиот динар, од почетокот на годината НБС на меѓубанкарскиот пазар продаде вкупно 783,5 милиони евра, при што само во текот на април пласираше 210 милиони.
Годинава динарот беше најсилен на 11 јануари кога едно евро чинеше 103,6922 динари.
Со денешниот пад на вредноста, српскиот динар на месечно ниво ослабе во однос на еврото за 0,9 отсто, а на годишно ниво за 11,5 проценти.