Министерот за транспорт и врски Благој Бочварски денеска одржа работна средба со директорот на постојаниот Секретеријат на Транспортната заедница, Матеј Закоњшек.
Како што соопшти Министерството за транспорт и врски, на средбата се разговараше за инвестициите во патната и железничката инфраструктура финансирани од ЕУ, како и од други меѓународни финансиски институции.
– Акцент на средбата беше ставен и на подигнување на безбедноста на патиштата. Министерот Бочварски ги презентираше проектите што ги реализира Министерството за транспорт и врски за зголемување на безбедноста, посебно на патниот Коридор 10. Се отвори и прашањето за значењето и модернзација на патните и железничките гранични премини со земјите членки на ЕУ, во насока на забрзување на протокот на патници, стоки и услуги, информира Министерството.
Директорот на Секретаријатот, Закоњшек, го покани министерот Бочварски да учествува на Министерскиот состанок кој ќе се одржи во јули во Брдо кај Крањ, Словенија.