Состанок Георгиева – Ангеловска Бежоска: НБ има витална улога, професионалноста и независноста од клучно значење

Од:

Генералната директорка на Меѓународниот монетране фонд (ММФ), Кристалина Георгиева и гувернерката на Народната банка Анита Ангеловска-Бежоска оддржаа онлајн состанок, кој Георгиева на својот Твитер го оцени како продуктивен.

– Продуктивен разговор со гувернерката на Народната банка на Северна Македонија, Ангеловска Бежоска. Народната банка игра витална улога за ублажување на влијанието на кризата и обезбедување на економска и финансиска стабилност. Нејзината професионалност и независност се суштински, напиша таа.

Од Народната банка соопштија дека на состанокот одржан вчера Георгиева истакнала дека Народната банка има витална улога во ублажувањето на влијанието на кризата и обезбедувањето економска и финансиска стабилност.

– Вашата професионалност и независност се од клучно значење, рече таа на состанокот со гувернерката на Народната банка, Анита Ангеловска-Бежоска.

На состанокот, како што соопшти денеска Народната банка, е нагласена важноста на силните и кредибилни институции, особено во услови на криза, кога треба да сторат сѐ што е потребно за зачувување на довербата и поддршка на домаќинствата и компаниите. Исто така, беше истакнато дека професионалноста и независноста на централната банка се клучни предуслови за исполнување на нејзиниот мандат, вклучително и за обезбедувањето на целокупната стабилност на финансискиот систем.

Гувернерката Ангеловска-Бежоска ги нагласи поддршката и партнерството од страна на ММФ низ годините. – За нас е особено важно што имаме меѓународен партнер со силен интегритет, професионализам и стручност, којшто постојано вложува во подобрувањето на нашите капацитети и ни помага во зацврстувањето на нашата улога во општеството, истакна гувернерката Ангеловска-Бежоска.

Во однос на тековната здравствена криза, Георгиева и Ангеловска-Бежоска разговараа за неизвесноста и предизвиците за носителите на политики во периодот што доаѓа. На состанокот беше истакнато дека на глобално ниво е потребна будност и претпазливост во овие околности и заради неизвесноста околу времетраењето и последиците од пандемијата. Ова, стои во соопштението, се однесува и на политиките на финансискиот сектор, во коишто треба да има мерки за зајакнување на отпорноста на финансискиот систем. Во тој контекст е посочено на неопходноста од претпазливост во политиките за распределба на дивиденда, како важен чекор во градењето на капацитетот на системот, сѐ додека не започне процес на одржливо закрепнување.

На состанокот е заклучено дека ММФ и Народната банка ќе продолжат со интензивната соработка, поддржувајќи ги напорите во создавањето придобивки за економијата и општеството и штитејќи го јавниот интерес. Во овој поглед, доброволното учество на Народната банка во пилот-оценувањето на усогласеноста со Кодексот на ММФ за транспарентност на централните банки е оценето како важен дополнителен влог за зајакнување на транспарентноста и интегритетот на институцијата.

Би можело да ве интересира

Ангеловска-Бежоска на Форумот на „Еуромани“: Глобализацијата, дигитализацијата и другите структурни промени во економиите ќе влијаат на новата постпандемична улога на централните банки

Ана Ололовска

НБ: На 1 февруари завршува рокот за пријавување на научните трудови за Годишната награда на Народната банка

Ана Ололовска

Граѓаните се повеќе ги користат платежните картички, зголемен раст во третиот квартал од 2021

Ана Ололовска

Советот на Народната банка го усвои Извештајот за ризиците во банкарскиот систем за третиот квартал од 2021 година

Ана Ололовска

Просечната каматна стапка во ноември 4,42 отсто

Ана Ололовска

НБ: Во ноември депозитите поголеми за 8,1, а кредитирањето за 7,7 отсто

Ана Ололовска