СОНК реагира на начинот на кој е донесена уредбата за укинување на надоместоците на плата

Од:

Самостојниот синдикат за образование, наука и култура (СОНК) денеска реагира на начинот на кој е донесена уредбата со која на корисниците на буџетски средства им се укинува правото на исплата на додатоци и надоместоци на плата.

Синдикатот, како што се наведува во соопштението, ја разбира моменталната состојба на државата, но реагира затоа што при носењето на ваква одлука не се прашани синдикатите како социјален партнер.

Според СОНК, платите и надоместоците на плата се уредуваат со закон и колективни договори и овие акти не смеат да се суспендираат дури и во вонредна состојба.

– Иако се наоѓаме во вонредна состојба, тоа не значи дека одредбите од законите се суспендирани и дека уредбите што ги носи Владата ќе се темелат исклучиво врз база на еднострана проценка. Од тие причини бараме, при носење на уредби со кои ќе биде намалена социјалната сигурност на работниците и другите права, да се почитуваат законите, особено Законот за работни односи, законите за дејности и Колективните договори. Впрочем, платите и надоместоците на плати се уредуваат со Закон, Колективен договор или Договор за вработување, па дури и во вонредна состојба овие акти не смеат да се суспендираат, истакнува СОНК.

Би можело да ве интересира

Минималната плата од јули е зголемена на 14.934 денари, ССМ потсетува за да нема изигрувања како со субвенциите

Маја Илиевска-Пачемска

Здруженија и синдикати бараат казни и присилна наплата за фирмите кои зеле државна помош, а не исплатиле плати

Ана Ололовска

Просечната плата во мај 26.390 денари, највисоки платите во ИТ, финансиите и фармацијата

Ана Ололовска

УЈП: 55.000 работодавачи ја искористиле финансиската поддршка за исплата на плати

А1он

Филипче: Платите на специјалистите во „Св. Еразмо“ зголемени за 27.000 денари

А1он

Просечната нето плата во април 25.830 денари

Ана Ололовска