Скопје Север исклучен од системот за гас по забраната од Град Скопје да користи мазут

Од:

Друштвото Скопје Север АД информираше дека денес се исклучени од системот за пренос на природен гас.

„Согласно договорот со нашиот снабдувач со природен гас Пром-Гас, обезбедените количини треба да се платат авансно за секој месец. Поради енормно високите цени на гас во оваа година и тешката финансиска состојба на друштвото не сме во можност да ги уплатиме предвидените количини за цел месец туку недела за недела. Од овие причини денеска бевме исклучени од системот за пренос на природен гас“, велат од Скопје Север АД.

Оттука во допис до медиумите додаваат дека дека и за природниот гас и за мазутот како алтернативно гориво им била издадена еколошка дозвола од Град Скопје, но од друга страна од секторот за животна средина на Градот вчера, за нив од непознати и необјасниви причини добиле забрана за користење на алтернативното гориво мазут.

„Во вакви околности, со голема разочараност сакаме да Ве известиме дека не сме во состојба да испорачуваме топлинска енергија на нашите корисници“, велат од Скопје Север АД.

Министерот за економија Крешник Бектеши претходно изјави дека во законот е предвидена можност да се користи алтернативно гориво за производство на топлинска енергија, односно мазут или дизел, но, како што порача, кога ќе се користи, мора да се запазат процедурите во државата.

„За нас е приоритет да не се доведеме во таква ситуација да треба да користиме алтернативно гориво за Исток и за Запад, со кои ние менаџираме како држава преку ЕСМ. Во делот на Скопје Север има Инспекторат за животна средина ако во случај работи со мазут или со дизел освен природен гас да ги проверат нивните лиценци и процедурите како ги ставиле овие енергенси во функција“, рече Бектеши.

Министерот додаде дека на топланата Скопје Север ѝ се понудени две опции, да се склучи договор за деловно техничка соработка или договор за закуп, по примерот со топланите Скопје Исток и за Скопје Запад, но досега нема повратен одговор од раководството.

Би можело да ве интересира

Видео: Млаки радијатори, се штеди ли на греење, ќе поскапи ли парното?

Анита Петровска Рајковиќ

ЕСМ Снабдување со топлина: Добивање на фактурата на меил е најсигурен и најеколошки начин на достава на сметките

Ана Ололовска

Потпишан договор, продолжува испораката на греење во Чаир и Бутел

ЕСМ: Во тек е изработка на фактурите за топлинска енергија за октомври

ЕСМ: АД Скопје Север одби да го потпише договорот, тие се одговорни за прекин на греењето во Чаир и Бутел

Ќе доцнат сметките за парно

Горан Наумовски