Синдикатот за транспорт при КСС реагира на работата на некои синдикати и институции

Од:

Синдикатот за транспорт и врски при Конфедерацијата на слободни синдикати денеска преку соопштение изрази незадоволство од работата на некои синдикати и институции во државата.

Од Синдикатот реагираат на работата на Сојузот на синдикати на Македонија за потпишувањето спогодби за исплата на К-15 во јавните претпријатија, укажувајќи дека спогодбите се потпишуваат за исплата на 3.000 денари за една година, а согласно колективните договори на работниците им следуваат по 24 илјади денари.

– Спогодбите се потпишуваат за три години наназад, а согласно колективните договори на работниците им следуваат по 24,000 денари, но очигледно е дека и тие спогодби се ништовни и не произведуваат правно дејство затоа што ретроактивно не може тоа да се направи, велат од Синдикатот за транспорт и врски при КСС.

Синдикатот реагира и за отказот што го доби вработениот од „Комунална хигиена“ откако во јавноста излезе снимка како собраниот смет го фрла во реката Вардар. Според Синдикатот, прво треба да се изречат дисциплински мерки против работникот, а не веднаш да се дава отказ од работа.

Синдикатот за транспорт и врски при КСС не се согласува ниту со покачување на цената за патарини бидејќи според нив тоа би значело поскап транспорт и зголемување на цените на многу производи што им се неопходни на граѓаните.

Би можело да ве интересира

МИОА ги отфрли како неточни тврдењата на КСС за јавната администрација

Ана Ололовска

КСС: Да престанат заканите кон јавната администрација

Ана Ололовска

КСС: Неприфатлив е односот на дел од државните органи во делот на социјалниот дијалог во време на пандемија

Ана Ололовска

КСС: Државата да се откаже од режиски трошоци во знак на солидарност за работниците кои добија откази

Ана Ололовска

Манчевски: Последното соопштение на КСС е класичен пример на лажни вести

А1он

ККС против предлогот за намалување на платите во јавната администрација

Ана Ололовска