Штрајк на вработените во брзата помош во Англија и Велс

Од:

Повеќе од 10.000 вработени во службата за брза помош низ Англија и Велс одлучија да штрајкуваат поради спор околу платите и работните услови, соопшти денеска директоратот на синдикатот ГМБ.

Британската Национална здравствена служба (НХС) се подготвува за бран штрајкови без преседан. Како што е најавено, околу 100.000 медицински сестри ќе штрајкуваат од 15 и 20 декември и тоа е прв ваков протест во 100-годишната историја на британските медицински синдикати.

НХС, која обезбедува бесплатна здравствена заштита од 1948 година, се соочува со рекорден број пациенти на листи на чекање за болничко лекување и недостиг на стручен кадар поради пандемијата на Ковид-19.

– Наш приоритет е безбедноста на пациентите за време на кој и да е штрајк. НХС ги проверуваше и тестираше плановите за намалување на нарушувањето на работата на здравствената служба и продолжување на функционирањето на итните медицински служби, изјави министерот за здравство и социјална заштита на Велика Британија, Стив Баркли.

Извор: МИА

Би можело да ве интересира

Украинските војници на обука за управување тенкови во Велика Британија

Британскиот премиер го разреши претседателот на владејачката Конзервативна партија поради кршење на министерскиот кодекс

Ана Ололовска

Иран воведе нови санкции против ЕУ и Велика Британија

Ана Ололовска

Лами: Не сакаме назад во ЕУ, но повторно ќе се поврземе

Ана Ололовска

Британскиот Врховен суд ја отфрли тужбата на Ујгурите против британската Влада

А1он

Маж и жена од Британија ги изгладнувале децата и ги туширале со врела вода

Ана Ололовска