Шаклев: Свинското месо за празниците ќе го има доволно и по иста цена

Од:

Свинското месо ќе го има во доволни количини за Новогодишните и Божиќните празници на македонскиот пазар, информираат од Асоцијацијата на земјоделци и одгледувачи на свињи.

Претседателот на Асоцијацијата на земјоделци и одгледувачи на свињи, Ефтим Шаклев вели дека одгледувачите на свињи и производители на месо ветуваат дека за време на празниците нема да се зголеми цената на свинското месо и оти се формираат согласно цените на месото во соседните држави, кои се големи одгледувачи и производители на месо.

-Поголемите, посериозните фарми имаат поголеми количини на свежо свинско месо и сметам дека нема да има никаков проблем. Нема да има и проблеми со покачување на цената на месото и ви ветувам дека нема да има. Откупната цена моментално на жива свиња на големите потрошувачи се движи 80 денари по килограм плус данокот, што е и граница на рентабилноста за производството на свинското месо. Меѓутоа ние мораме да ги почитуваме економските законитости во Европа и во Србија е толку и ние и да сакаме не смееме да ги поаќиме цените, вели Шаклев.

Тој забележува дека пред два месеци ги доставиле барањата за заштита на македонското свежо месо, но засега ни едно од барањата не им е прифатено. Барањата се однесуваат за поголема заштита и на производителите, но и на потрошувачите. Побараа да се води контрола на свежото свинско месо во продажба и да не е претходно замрзнато. Во угостителските објекти да се декларира какво е местото, дали е замрзнато или свежо.

Во моментов во земјава се одгледуваат околу 200.000 свињи, за зголемување на производството може да размислуваат по 2020 година, кога се очекува да заврши вакцинирањето на свињите од болеста свинска чума. Засега македонските производители неможат да извезуваат на пазарите во земјите на ЕУ, но откако ќе заврши вакцинацијата ќе следи и преоден период, кога ќе ја добијат дозволата ќе можат да размислуваат и за зголемување на производството.

Би можело да ве интересира

Околу 900 дозволи за земјоделци за работа во време на полициски час

А1он

Земјоделците ќе можат да работат на земјоделските површини и фарми во атарот на своето село, за надвор од селото ќе треба да вадат дозвола за движење

А1он

Влада: Дел од земјоделците се изземени од ограничувањето за движење за викендите

А1он

(ВИДЕО) Заев во посета на Тиквешкиот регион: Низ конкретни мерки се грижиме за лозарите

Драган Поповски

Спасовски во посета на Тиквешијата: Владата го реши наследениот проблем на лозарите со долгот и обезбеди нови повисоки субвенции

Драган Поповски

(ВИДЕО) Николовски: Во новиот мандат субвенциите за мерката „зелена нафта“ ги зголемуваме од 30 на 50 отсто