Најстарата швајцарска банка „Вегелин“планира трајно да ги затвори своите шалтери откако пред њујоршкиот суд призна дека им помагала на американски државјани да го избегнат плаќањето данок, соопштуваат денеска британските медиуми.
Вегелин банката се согласи на американските власти да им плати казна од 57,8 милиони долари, а откако ќе го исплати посочениот износ, како што јавува Би-Би-Си, трајно ќе ги затвори шалтерите.
Во банката признаа дека во периодот од речиси 10 години им овозможиле на повеќе од 100 Американци да прикријат данок во американската даночна упарава во вредност од 1,2 милијарда долари.
Вегелин банката, основана во 1741 година во Сент Гален, е првата банка што ја призна вината во американсиките судски процеси отворени заради даночни малверзации.