СДСМ: ВМРО-ДПМНЕ ги занемаруваше потребите на компаниите, ќе има поддршка и за домашните и за странските инвестиции

Од:

Од СДСМ со писмено соопштение реагираат на прес-конференцијата на Невенка Стаменковска од ВМРО-ДПМНЕ.

„Децениското криминално владеење на ВМРО-ДПМНЕ, нанесе огромни штети врз економијата и остави околу 500 000 граѓани да живеат под прагот на сиромаштијата, додека раководствто на ВМРО-ДПМНЕ екстремно се богатеше.

Резултатите од политиките на привлекување странски инвестиции на претходната Влада беа поразителни. Скапо платените економски промотори освен што трошеа пари на граѓаните за нивни и прошетки на нивните блиски низ светот, не ги постигнаа очекуваните резултати. Доказ за тоа се и бројните наводни индустриски зони што и денес се само празни и оградени ливади, како и фактот дека Македонија со години наназад е една од земјите со најмалку странски инвестиции во регионот.

Наместо да работи на континуирано подобрување на конкурентноста, ВМРО-ДПМНЕ ги трошеше парите на граѓаните на лажен барок, криминални тендери и скапо платени советници, занемарувајќи ги потребите на граѓаните и компаниите.

Таквото време на расипништво на парите на граѓаните заврши. Следува време во кое и странските и домашните компании ќе бидат квалитетно поддржани за да се отворат нови и подобро платени работни места, што ќе значи повисоки плати и помала невработеност, што ќе придонесе кон свекупен економски раст“ се вели во реакцијата на СДСМ.

Би можело да ве интересира

СДСМ: Продолжуваат разговорите за нова влада со полн четиригодишен мандат

А1он

СДСМ: Водиме сериозни преговори за формирање влада, приоритет ќе е прочистување на правосудството

Ландов

СДСМ тврди дека преговара за Влада со стабилно мнозинство, ВМРО-ДПМНЕ бара да ги кажат имињата на партиите

А1он

СДСМ: Новата Влада ќе има помалку министри и за 20% намалена администрација

А1он

СДСМ: Приоритет во преговорите за новата влада е борбата со криминалот и корупцијата на сите нивоа

А1он

СДСМ: Започнуваме сериозни преговори за формирање влада

А1он