Успешните економски политики на Владата предводена од СДСМ продолжуваат да даваат реални резултати. Растот на индустриското производство во 2018 година е највисок во последните седум година, велат преку соопштение од СДСМ.
„Индустриското производство во 2018 бележи раст од 5,4 отсто.
По години уназадување, додека државата се наоѓаше во неизвесност и изолација, денес со придвижувањето во процесот на интеграциите, местото во НАТО, економијата е стабилизирана и се движи во добар правец.
Покрај индустриското производство, расте и прометот во индустријата, извозот, како и бројот на работници во индустријата“, стои во нивното соопштение.
Од партијата додаваат дека со влезот во НАТО и интеграцијата во ЕУ, ваквите позитивни трендови дополнително ќе се интензивираат. Интеграцијата во двата најмоќни светски сојузи отвора реални можности за зголемен број странски инвестиции, нови работни места и повисоки плати, што ќе значат повеќе пари и повисок животен стандард за сите граѓани, посочуваат од СДСМ.