Третиот пакет на економски мерки треба да овозможи заживување на македонската економија преку директна финансиска поддршка на граѓаните, велат од партијата.
Новиот сет на мерки во вредност од 355 милиони евра опфаќа 730 000 корисници и треба да стимулира зголемување на ликвидноста, заштита, промоција и раст на домашната економска понуда, а нуди и поддршка и за земјоделците, како и поддршка на домашниот туризам.
Околу платежните картички тие истакнаа дека со оваа мерка, се зголемуваат безготовинските плаќања , што ќе придонесе и за намалување на сивата економија.
Домашната платежната картичка во износ од 9.000 денари, е наменета за невработените лица и примателите на социјална помош.
Целта на економските мерки како што велат од СДСМ, е да го го помагаат домашниот туризам, така што вработените со примања до 15.000 денари месечно ќе добијат ваучер за домашен туризам од 6.000 денари и домашна платежна картичка од 3.000 денари. Младите ќе добијат парична поддршка од 6.000 денари и домашна платежна картичка вредна 3.000 денари, како и ваучери за кофинансирање на обуки, тренинзи и курсеви за ИТ и дигитални вештини.
„Владата ќе стави на располагање финансиски средства за поддршка на Старт ап и мали и микро компании преку комерцијални банки со 10 милиони евра иницијален капитал. По завршување на здравствената криза земјоделството треба да биде целосно подготвено, бидејќи токму овој сектор во периодот што следува ќе има голем удел во заживувањето на нашата економија. Токму затоа соглансо економските мерки, аграрниот сектор ќе биде поддржан со 5 милиони евра преку Развојната банка“, стои во соопштението на СДСМ.